Divine 119

營業中

休息中

Weekend 經過太子，朋友話想食西餐，見呢間Divine119 門口裝飾都幾靚，Lunch Set 又唔貴一於入去試試😎，原來係法式 Fusion 菜🇫🇷。叫咗個煙燻西班牙豬鞍加前菜同洋蔥湯，$100 都唔洗！再加多左個望落幾 Fun 嘅大雪茄🤩講番個主菜先，豬鞍俾我想像中厚身但係食落又唔會嚡烚烚，juicy！幾出色 🧅洋蔥湯湯頭清澈，飲落都濃郁，配埋香脆蒜蓉包唔錯唔錯😌。估唔到小食先嚇我一跳🤣 大雪茄上到枱，朋友已經哇咗聲，睇落連啲「煙灰」都做得好逼真😂，上碟都好用心，真係擺咗喺「煙灰缸」度，好盞鬼。咬咗一啖係鴨肉春捲嚟，個皮幾脆，配埋入面嘅黑蒜醬鴨肉鵝肝內餡，食落好香口惹味。😝而家仲做緊優惠，Follow 佢哋 社交平台 7 折就試到大雪茄，強烈建議去試吓💨。