影片
更多
2023-06-06
1103 瀏覽
【荃灣區】【六鼎記】我寫咗 post 兩年幾，其實都開始習慣咗將寫嘢同出 post 融入喺自己嘅生活裡面。滿足感有時都會有嘅，例如捐窿捐罅搵到啲冇乜人介紹過，而又冇上過「宣傳易」，但係又幾好食嘅餐廳，經自己講出嚟之後引起到共鳴咁。有見及此，我就愈去一啲大家可能比較少機會接觸嘅餐廳，有時掂到一啲大家嘅童年或者讀書時嘅回憶，我都會覺得幾滿足，起碼係小眾而非孤獨。今次想講一間喺荃灣嘅餐廳，不過佢唔近港鐵站，荃灣西站行去都要四個字。麗城呢邊個情況有少少似第一城，又係有幾期商場，又係置富集團買咗，不過呢邊就細過第一城，所以非大集團嘅餐廳可以話係少之又少，呢間茶記係其中之一。我一入去就叫咗個「常餐」，試一試呢間嘢個水吧得唔得先。主食「特濃沙爹牛肉麵」唔算好突出，沙嗲味冇佢吹到咁濃，個「丹麥吐司」亦都只係一塊脆口啲嘅烘多士，冇特別。反而佢個「3.7牛乳炒滑蛋及火腿」可以話係靈魂所在，隻蛋炒得非常好，外面啱啱熟而又包住啲蛋汁，正。個餐加埋杯正正常常嘅「熱奶茶」收 $45，我覺得都算公道，唔算話平但係以隻蛋嘅質素嚟講都合理。不過咁樣又點會滿足到我，見到餐牌個「晚市精選」上面有幾款「招牌菜」，我叫多一款嚟
有見及此，我就愈去一啲大家可能比較少機會接觸嘅餐廳，有時掂到一啲大家嘅童年或者讀書時嘅回憶，我都會覺得幾滿足，起碼係小眾而非孤獨。今次想講一間喺荃灣嘅餐廳，不過佢唔近港鐵站，荃灣西站行去都要四個字。
麗城呢邊個情況有少少似第一城，又係有幾期商場，又係置富集團買咗，不過呢邊就細過第一城，所以非大集團嘅餐廳可以話係少之又少，呢間茶記係其中之一。我一入去就叫咗個「常餐」，試一試呢間嘢個水吧得唔得先。
主食「特濃沙爹牛肉麵」唔算好突出，沙嗲味冇佢吹到咁濃，個「丹麥吐司」亦都只係一塊脆口啲嘅烘多士，冇特別。反而佢個「3.7牛乳炒滑蛋及火腿」可以話係靈魂所在，隻蛋炒得非常好，外面啱啱熟而又包住啲蛋汁，正。
個餐加埋杯正正常常嘅「熱奶茶」收 $45，我覺得都算公道，唔算話平但係以隻蛋嘅質素嚟講都合理。不過咁樣又點會滿足到我，見到餐牌個「晚市精選」上面有幾款「招牌菜」，我叫多一款嚟加吓餸都唔係好過份啫下話。
我揀咗「子薑炸豬手」，$69 配埋「例湯」幾抵。豬手幾正，起好晒骨切埋片，啖啖肉，脆卜卜，揩到啲子薑嘅話仲有啲薑味，估唔到幾夾。原來仲有「白飯」，侍應醒目，唔上畀我住，問我要唔要。我冇要到，畀 $114 走人。。。
（地址：荃灣青山公路620號麗城薈二期地下8, 8B及8C號舖）
#1amfoodie #foodie #hkfoodie #thatfoodiething #hkfood #foodlover #delicious #foodies #tasty #globaleats #tastyfood #foodpics #followforfollowback #love #eat #1am荃灣區 #荃灣 #荃灣西 #六鼎記 #麗城花園 #麗城薈 #茶餐廳 #常餐 #特濃沙爹牛肉麵 #丹麥吐司 #37牛乳炒滑蛋及火腿 #熱奶茶 #子薑炸豬手 #1ambackup #1am0680
張貼