影片
更多
2015-04-20
2553 瀏覽
印尼餐廳除咗尖東好時，仲有間觀塘好運，連經常出入觀塘的男友都未聽過。餐牌得字無相，睇得明D字又唔知其實係乜。最終由店員協助下叫咗個印尼黃錦飯*，即雜錦黃薑飯，係呢度的推介，有印尼炸雞、巴東牛肉、半隻蛋同芽菜、青瓜同甜脆花生等配菜。黃薑飯色香味俱全，而且炒得夠乾身，非常好食。巴東牛肉肉質軟腍，椰味香濃，非常入味，不過都幾辣下。食得印尼菜，點少得沙嗲呢？因為無得互mix的關係，揀咗半打沙嗲羊肉。炭燒羊肉肉質鬆化軟嫩，加上少少羊脂同點點羊羶，香口惹味，沙嗲醬夠哂椰香，不過食慣有花生粒粒，呢度就無。另外，叫咗個印尼炸雞（擺明男友揀的），由於本人對印尼炸雞無咩概念，以為同平時普通炸雞差唔多，但原來印尼版本係比較deep fried，deep到有點過份乾身同「鞋」身，唔太啱我口味。 亦無諗過印尼版的龍眼冰同一向飲開泰式個隻係咁唔同！本來杯龍眼冰係透明，底部有D綠色糖水，手多多的我攪下攪下之後，成杯變咗綠色，我個人係比較驚D有色素的飲品。飲咗一啖之後我已經唔想再飲，有陣好濃好濃的甜味，唔係話勁甜，但個甜味好濃同好熟但一時諗唔到係咩，後來係門口櫥窗見到擺哂一支支syrup，先知原來係melon味。但係
印尼餐廳除咗尖東好時，仲有間觀塘好運，連經常出入觀塘的男友都未聽過。
餐牌得字無相，睇得明D字又唔知其實係乜。最終由店員協助下叫咗個印尼黃錦飯*，即雜錦黃薑飯，係呢度的推介，有印尼炸雞、巴東牛肉、半隻蛋同芽菜、青瓜同甜脆花生等配菜。黃薑飯色香味俱全，而且炒得夠乾身，非常好食。巴東牛肉肉質軟腍，椰味香濃，非常入味，不過都幾辣下。
食得印尼菜，點少得沙嗲呢？因為無得互mix的關係，揀咗半打沙嗲羊肉。炭燒羊肉肉質鬆化軟嫩，加上少少羊脂同點點羊羶，香口惹味，沙嗲醬夠哂椰香，不過食慣有花生粒粒，呢度就無。
另外，叫咗個印尼炸雞（擺明男友揀的），由於本人對印尼炸雞無咩概念，以為同平時普通炸雞差唔多，但原來印尼版本係比較deep fried，deep到有點過份乾身同「鞋」身，唔太啱我口味。
亦無諗過印尼版的龍眼冰同一向飲開泰式個隻係咁唔同！本來杯龍眼冰係透明，底部有D綠色糖水，手多多的我攪下攪下之後，成杯變咗綠色，我個人係比較驚D有色素的飲品。飲咗一啖之後我已經唔想再飲，有陣好濃好濃的甜味，唔係話勁甜，但個甜味好濃同好熟但一時諗唔到係咩，後來係門口櫥窗見到擺哂一支支syrup，先知原來係melon味。但係我明明叫龍眼冰，點解要加蜜瓜糖水呢？印尼風味既野我真係識條鐵…
最後男友叫咗個椰汁黑糯米，椰汁香甜，黑糯米夠哂煙韌，好食。
賣單時我同男友咁啱唔夠現金，又無得比卡，加加埋埋仲爭廿蚊，印尼華僑老闆娘叫我地得閒行開先過來比返，話無所謂喇，搞到我地勁唔好意思，即刻走去㩒機。隔咗10分鐘返去比錢，佢竟然話無諗過我地真係返轉頭，舊區小店真係充滿人情味∼其實見到有唔少人幫襯，而且係印尼人開舖應該係幾唔錯，可能咁啱揀個d唔啱口味喇。
張貼
