Ocio (積存街) (已結業)

又想食龍蝦🦞，又想食甜品？ocio 幫到你！🌗奧斯芝士焗龍蝦窩夫早餐 $139上枱真係同餐牌張相一樣架，絕對無照騙！龍蝦🦞有好多肉好多膏，肉質彈牙無腥味，店家仲預先將龍蝦鉗拆肉，等客人可以直接食用，唔使整到隻手污糟晒。早餐配有2️⃣種醬汁，一種配龍蝦比較夾，以似平時lobster roll 嘅醬汁咁；另一種係糖醬，咁就一雞兩食，鹹食又得，甜食又得✌🏻；窩夫🧇好紮實足料，兩個人share 都夠飽，留意返記得趁熱食，凍左會有少少韌。🌖鑊仔伯爵茶雪山熱香餅 $79睇menu幅相，以為個熱香餅係一整個圓形，上面加雪糕，切落先發現熱香餅嘅形狀好似罐頭菠蘿🍍咁，中間有個窿，入面裝左伯爵茶醬，切開時啲醬就會流曬出黎。醬汁有淡淡嘅伯爵茶味，唔會太甜，要甜嘅可以配埋圍邊嘅綿花糖一齊食，不過甜度點都唔會好高，我食曬之後都唔覺得涸喉；熱香餅氣孔好多，回彈力好高，單食口感唔夠細膩，但拎佢嚟吸滿伯爵茶醬，再配上雪糕就成件事就唔同曬❗️濕潤嘅熱香餅加埋同雪糕一齊冰火交融嘅感覺真係好正☺️。