影片
更多
2024-11-04
324 瀏覽
今日去咗銅鑼灣Sugar+入面一間叫「OOULI」嘅精緻韓國餐廳食午市套餐，餐廳嘅環境裝修得好舒服，靠窗嘅位置可以遠眺維多利亞港嘅海景，餐廳入面有張吧枱，仔細睇會見到吧枱上嘅酒全部都係韓國嘅酒品。我哋嗌咗個每位$538嘅Oouli 4-course lunch set，菜式全部都好精緻同富有韓國特色，套餐飲品可以選擇紅棗茶、柚子蜜或齋啡。🍊傳統韓國粥第一道菜係韓國傳統嘅特色粥，用咗韓國當造嘅蔬菜、韓牛、新鮮蜆肉同自家大米，熬製咗15個小時以上，傳統粥嘅口感綿滑細膩，每一啖都充滿鮮味🍊海鮮清湯配烤釜山鮑魚採用分子料理嘅形式將海鮮湯嘅味道帶入泡沫，撥開泡沫後會見到一隻味道鮮甜嘅釜山鮑魚，鮑魚煮得非常腍身入味，配上充滿鮮味嘅海鮮清湯，飲落去好舒服🍊36小時慢煮濟州黑毛豬五花五花腩用咗濟州黑毛豬，豬肉嘅味道特別濃郁，而且瘦肉同肥膏相隔，食落非常有口感層次豐富，包括豚肉嘅幼嫩肉質、脂肪嘅油膩感、豬皮嘅爽口彈牙，配上特色甜醬一齊食好夾🍊烤澳州和牛澳洲和牛嘅肉質結實，食落有口感，配上帶有甜味嘅牛肉燒汁，伴碟有好可愛嘅南瓜蓉拼成嘅著名濟州桔、大蔥同雞髀菇，賣相非常吸引🍊韓國釜飯配鰻魚湯呢個釜飯上菜時係
🍊傳統韓國粥
第一道菜係韓國傳統嘅特色粥，用咗韓國當造嘅蔬菜、韓牛、新鮮蜆肉同自家大米，熬製咗15個小時以上，傳統粥嘅口感綿滑細膩，每一啖都充滿鮮味
🍊海鮮清湯配烤釜山鮑魚
採用分子料理嘅形式將海鮮湯嘅味道帶入泡沫，撥開泡沫後會見到一隻味道鮮甜嘅釜山鮑魚，鮑魚煮得非常腍身入味，配上充滿鮮味嘅海鮮清湯，飲落去好舒服
🍊36小時慢煮濟州黑毛豬五花
五花腩用咗濟州黑毛豬，豬肉嘅味道特別濃郁，而且瘦肉同肥膏相隔，食落非常有口感層次豐富，包括豚肉嘅幼嫩肉質、脂肪嘅油膩感、豬皮嘅爽口彈牙，配上特色甜醬一齊食好夾
🍊烤澳州和牛
澳洲和牛嘅肉質結實，食落有口感，配上帶有甜味嘅牛肉燒汁，伴碟有好可愛嘅南瓜蓉拼成嘅著名濟州桔、大蔥同雞髀菇，賣相非常吸引
🍊韓國釜飯配鰻魚湯
呢個釜飯上菜時係由餐廳職員推出再分發，白飯用咗釜山自家農田珍珠米，咬落去口感煙靭，配上饅魚湯同五種時令特色釜山伴菜，包括辣醬生魷魚、辣醬醃通菜、魚仔乾、黑豆同菠菜，濃味嘅配菜混合白飯同鰻魚湯，韓式辣醬嘅味道成為拌飯嘅主調，味道變得濃郁惹味
📍銅鑼灣糖街25-31號Sugar+ 23樓
位置就腳：🍊🍊🍊🍊🍊
餐廳環境：🍊🍊🍊🍊🍊
食物味道：🍊🍊🍊🍊🍊
整體CP值：🍊🍊🍊🍊🍊
張貼
