影片
更多
2023-11-02
30 瀏覽
今次同大家介紹嘅係一間銅鑼灣樓上燒肉店，我同朋友叫咗個活海鮮和牛二人盛，原價$888，提前預訂就減$280。———————————————🌟前菜前菜一共有兩款，先係龍蝦沙律伴青瓜，唔係講笑龍蝦沙律真係有龍蝦肉，而且都幾實淨，連埋青瓜感覺好fresh都幾開胃。另外一款就係和風枝豆拼麻辣牛舌，牛舌唔會太辣咬落又爽口，切成條狀入口更方便，上面再加上少量芝麻增添香味。.🌟燒海鮮重頭戲先係網燒鮮活鮑魚，鮑魚一共有兩隻，餐廳已經幫你處理好切片，旁邊有錫紙兜連同牛酒蒜蓉提供，可以直接放入去燒，燒完之後個味道非常香而且肉質都好彈牙。.跟住就係蒲燒鮮活鰻魚，鰻魚唔係平時見果種啡色醃好曬，而係真正新鮮仲係白色肉，燒完出黎味道肉質鮮美又有鰻魚味，有少量骨但唔會多。.🌟燒肉主力一定係日本A5和牛西冷，淨係望到佢啲雪花真係靚到一個點，燒到5成熟食真係好正，有肉汁有重牛味仲要一啲筋都冇😍其餘嘅都仲有M9和牛同牛舌，全部都屬於高級牛味道都好濃。.🌟主菜主菜分別可以簡炒飯或者冷蕎麥麵，我地就簡左黑松露和牛炒飯，炒出嚟味道都好香，不過和牛份量比較少所以味道唔係好出，反而黑松露香會多少少，不過味道都唔錯！.🌟甜品甜品方面
今次同大家介紹嘅係一間銅鑼灣樓上燒肉店，我同朋友叫咗個活海鮮和牛二人盛，原價$888，提前預訂就減$280。
———————————————
🌟前菜
前菜一共有兩款，先係龍蝦沙律伴青瓜，唔係講笑龍蝦沙律真係有龍蝦肉，而且都幾實淨，連埋青瓜感覺好fresh都幾開胃。
另外一款就係和風枝豆拼麻辣牛舌，牛舌唔會太辣咬落又爽口，切成條狀入口更方便，上面再加上少量芝麻增添香味。
.
🌟燒海鮮
重頭戲先係網燒鮮活鮑魚，鮑魚一共有兩隻，餐廳已經幫你處理好切片，旁邊有錫紙兜連同牛酒蒜蓉提供，可以直接放入去燒，燒完之後個味道非常香而且肉質都好彈牙。
.
跟住就係蒲燒鮮活鰻魚，鰻魚唔係平時見果種啡色醃好曬，而係真正新鮮仲係白色肉，燒完出黎味道肉質鮮美又有鰻魚味，有少量骨但唔會多。
.
🌟燒肉
主力一定係日本A5和牛西冷，淨係望到佢啲雪花真係靚到一個點，燒到5成熟食真係好正，有肉汁有重牛味仲要一啲筋都冇😍其餘嘅都仲有M9和牛同牛舌，全部都屬於高級牛味道都好濃。
.
🌟主菜
主菜分別可以簡炒飯或者冷蕎麥麵，我地就簡左黑松露和牛炒飯，炒出嚟味道都好香，不過和牛份量比較少所以味道唔係好出，反而黑松露香會多少少，不過味道都唔錯！
.
🌟甜品
甜品方面有自家製牛乳凍，味道食落唔會太甜，牛乳味濃郁口感都滑身，上面仲有落糖漿或者士多啤梨醬，各有風味。
.
🔸整體評價
套餐都算多，牛肉質素絕對係唔話得，除咗以上套餐外都仲有其他套餐或者單點菜式，大家都可以根據自己口味配搭。
張貼
