影片
更多
2022-07-02
144 瀏覽
作為一個米線控，今次到去到屯門，當然唔少得試一試被譽為「屯門名物」的雲川！睇住有唔少米線控都跨區前往大西北潮聖，究竟佢有咩魅力呢？今次叫咗3款唔同米線同2款小食試一試。酸辣小鍋紅薯粉 + 香茅豬扒 +凍檸茶據說食客逢到必點豬頸肉 /香茅豬扒，李daddy居然話豬頸肉肥 (一個唔肥唔食嘅人講出嚟真係令人意外!!)，於是就叫咗 #香茅豬扒。因為偏好口味，所以叫咗紅薯粉返屋企慢慢食。一開始當然試下湯底先啦，嘩！完全中晒我多酸少辣的酸辣偏好，嗰種酸係食得出醋味嘅酸，令人好開胃的湯底；紅薯粉就意料中的煙，要慢慢咀嚼；再到香茅豬扒，有成5件咁多，份量十分有誠意，咬落去唔會乾之餘仲有濃郁的香茅味，果然係必試之一。鮮魚湯小鍋米線 + 香菇貢丸 +凍華田因為妹妹唔食得辣，所以就叫咗呢個唔辣的鮮魚湯。魚湯無腥味，感覺都幾鮮味，不過雖然話唔辣，不過妹妹仍然食到有少少辣。香菇貢丸就純粹媽媽我鐘意食， 雖然貢丸都唔算細粒，不過相對豬扒份量嚟講就有啲失色了。豬骨湯小鍋紅薯粉 + 墨魚咀 + 咸檸七本來以為豬骨湯就係白色，點知原來係橙紅色！聞落去好香，不過食入口無咗嗰種香味，咸味為重，呢個湯底就略為失色了。墨魚咀彈
作為一個米線控，今次到去到屯門，當然唔少得試一試被譽為「屯門名物」的雲川！睇住有唔少米線控都跨區前往大西北潮聖，究竟佢有咩魅力呢？今次叫咗3款唔同米線同2款小食試一試。
酸辣小鍋紅薯粉 + 香茅豬扒 +凍檸茶據說食客逢到必點豬頸肉 /香茅豬扒，李daddy居然話豬頸肉肥 (一個唔肥唔食嘅人講出嚟真係令人意外!!)，於是就叫咗 #香茅豬扒。因為偏好口味，所以叫咗紅薯粉返屋企慢慢食。
一開始當然試下湯底先啦，嘩！完全中晒我多酸少辣的酸辣偏好，嗰種酸係食得出醋味嘅酸，令人好開胃的湯底；紅薯粉就意料中的煙，要慢慢咀嚼；再到香茅豬扒，有成5件咁多，份量十分有誠意，咬落去唔會乾之餘仲有濃郁的香茅味，果然係必試之一。
鮮魚湯小鍋米線 + 香菇貢丸 +凍華田因為妹妹唔食得辣，所以就叫咗呢個唔辣的鮮魚湯。魚湯無腥味，感覺都幾鮮味，不過雖然話唔辣，不過妹妹仍然食到有少少辣。香菇貢丸就純粹媽媽我鐘意食， 雖然貢丸都唔算細粒，不過相對豬扒份量嚟講就有啲失色了。
豬骨湯小鍋紅薯粉 + 墨魚咀 + 咸檸七本來以為豬骨湯就係白色，點知原來係橙紅色！聞落去好香，不過食入口無咗嗰種香味，咸味為重，呢個湯底就略為失色了。墨魚咀彈口有鮮味，意外地又同個湯底幾夾。
腐皮蝦卷蝦卷不大條，十分彈牙香口，亦係一個唔錯的選擇。
炸韭菜雲吞大大隻雲吞，炸得十分香脆，雖然係韭菜餡，不過就唔係好明顯韭菜味 (咁係咪件好事呢?哈哈)，連我同大家姐唔食韭菜都鐘意食。
宜家仲有下午茶優惠，米線+熱飲 $38，咁就更加抵食啦! (下次一定要試豬頸肉!!!)
張貼
