影片
更多
2022-11-14
775 瀏覽
有幾次經過都見到佢哋門口嘅直立牌寫住呢個優惠，出面仲要有唔少人排隊，今次終於忍唔住入去試吓。基本上每日您都會見到門口有人係度等，8點15分嘅時候開始派籌，但因為餐廳入面好多位，所以一般就算8點半後到都應該有位，唔洗專燈預早好多時間去排隊。今次嘅優惠係要叫指定嘅菜式再加$1蚊羊腩煲，一共有三款比大家選擇：安格斯肥牛($136/碟)、鮮活鮑魚($88/4隻)、噴水象拔蚌($168/條)。除此之外，仲要所有火鍋配料都有6折，真係超抵！———————————————🌟暖笠笠羊腩煲 $1你以為1蚊羊腩煲份量一定好少？完全係相反，呢個羊腩煲超足料，講緊淨係羊肉都好似有8至10舊，入面仲要有好多其他配料包括菇、枝竹、魚片、馬蹄、竹筍，全部都講緊4舊起，真係超高CP值。調味料好似香菜、蔥全部都有落齊，個湯底都調得好好，食完忍唔住飲多左幾啖湯。至於主角羊肉就肉質非常軟腍，酥味唔重，有啲仲可以連皮食，加埋腐乳入口真係非常香濃。.🌟噴水象拔蚌 $168大家參考返圖片就見到一條象拔蚌係可以切到幾大碟，提供刺身或火鍋兩食，我個人就比較鍾意刺身多啲，咬落好爽口亦都非常鮮甜。放落去打邊爐就會相對冇咁爽口，點火鍋醬料
———————————————
🌟暖笠笠羊腩煲 $1
你以為1蚊羊腩煲份量一定好少？完全係相反，呢個羊腩煲超足料，講緊淨係羊肉都好似有8至10舊，入面仲要有好多其他配料包括菇、枝竹、魚片、馬蹄、竹筍，全部都講緊4舊起，真係超高CP值。調味料好似香菜、蔥全部都有落齊，個湯底都調得好好，食完忍唔住飲多左幾啖湯。至於主角羊肉就肉質非常軟腍，酥味唔重，有啲仲可以連皮食，加埋腐乳入口真係非常香濃。
.
🌟噴水象拔蚌 $168
大家參考返圖片就見到一條象拔蚌係可以切到幾大碟，提供刺身或火鍋兩食，我個人就比較鍾意刺身多啲，咬落好爽口亦都非常鮮甜。放落去打邊爐就會相對冇咁爽口，點火鍋醬料又容易蓋過本身嘅鮮甜味道。
.
🌟鍋用豆苗 $58 (8:30後六折$34.😎
其實呢個豆苗唔係真係食評，但我只係想講真係真係好大份🤣，好少火鍋店可以$34.8就提供豆苗呢種「貴價菜」，仲要大大份。
.
🔶整體評價🔶
成餐CP值真係好高，味道又唔錯，真係唔係其他餐廳可以食到。另外都想講一樣係呢間茶樓先有嘅特色服務，就係有一座自動添水加煲水嘅機係隔離，就算員工好忙都唔洗驚等好耐都冇得添水，真係得意得嚟又超方便。大家記得以上優惠只係做星期一至五，2至4位入座就可以享用以上服務一次，5至7位就叫兩樣指定菜式就可以加兩次羊腩煲，記得唔好錯過喇！
.
🔸味道：9/10
🔸環境：6/10
🔸服務：6/10
🔸打卡指數：4/10
———————————————
🍽️稻香.茶居 (新都城中心)
📍將軍澳貿業路8號新都城中心2期2樓2039-2042號舖
Shop 2039-2042, 2/F, MCP Central, 8 Mau Yip Road, Tseung Kwan O
.
🚘泊車小貼士：可直接泊入新都城中心，星期一至五電子消費$200以上就可享兩小時泊車優惠，之後每半小時$12。
———————————————
張貼
