沖繩二段料理 (荷里活廣場)

營業中

休息中

就快兩點先食lunch，所以可以唔駛排隊即刻入去食。嗌咗個8倍濃湯蕃茄烏冬配撘餃子餐（$62另收加一），一開始擺盤幾得意，下面係烏冬，上面係用蒸籠裝著嘅餃子。稻庭烏冬煙煙韌韌，幾掛汁，蕃茄湯底似用粉開，係幾濃郁同有少少辣味，但得一塊真番茄，如果多啲真番茄會好啲。個餃子望落去好吸引，有啲橙橙哋類似千島醬喺上面，蒸出來熱辣辣，但我覺得啲醬有啲漏，之後撥走咗啲醬先食。味道正常，無乜特別，同一般超市蒸餃差唔多味。跟餐仲有杯嘢飲，叫咗熱黑糖檸檬茶，原來啲黑糖係另上自己畢落去嘅，茶味似茶餐廳啲茶咁。呢間嘢賣相好靚，食物份量都好足，但食落味道普通，如果只係貪得意都可以試下嘅。