影片
更多
2009-10-21
67 瀏覽
21-10-2009一早已話約朋友 J 食 lunch, 奈何大家 schedule 太唔夾了 , 無數次改期後, 呢日終於可以食餐飯傾個偈. 睇了食評好似不錯, 亦離大家公司唔遠, 又訂呢度試試. 大家都叫了 pasta set lunch, 跟 soup/salad 及 coffee/tea.Table bread 有 croutons 及芝麻 pastry twists, 前者鬆化又香脆, 後者就比想像中硬實, 亦無預期中的牛油香芝麻香, 個人而言較喜歡前者; 掛住食包, 無試另外 serve 的 Balsamic vinegar, 唔知又如何?湯係 minestrone (?), 材料有西芹, 薯仔, 紅蘿蔔之類, 帶強勁的新鮮 tomato puree 酸香, 不過 serve 時嚴重唔夠熱, 結果飲到一半佢已凍晒, 唯有放棄.主食揀了 cold pasta with dice cut salmon & salmon roe*, 份量奇大 , 賣相令人諗起日本餐廳定食的「意粉沙律」前菜... 凍食 capellini 煮得煙韌有咬口, 落了唔少 olive oil 及少量
一早已話約朋友 J 食 lunch, 奈何大家 schedule 太唔夾了 , 無數次改期後, 呢日終於可以食餐飯傾個偈. 睇了食評好似不錯, 亦離大家公司唔遠, 又訂呢度試試. 大家都叫了 pasta set lunch, 跟 soup/salad 及 coffee/tea.
Table bread 有 croutons 及芝麻 pastry twists, 前者鬆化又香脆, 後者就比想像中硬實, 亦無預期中的牛油香芝麻香, 個人而言較喜歡前者; 掛住食包, 無試另外 serve 的 Balsamic vinegar, 唔知又如何?
湯係 minestrone (?), 材料有西芹, 薯仔, 紅蘿蔔之類, 帶強勁的新鮮 tomato puree 酸香, 不過 serve 時嚴重唔夠熱, 結果飲到一半佢已凍晒, 唯有放棄.
主食揀了 cold pasta with dice cut salmon & salmon roe*, 份量奇大 , 賣相令人諗起日本餐廳定食的「意粉沙律」前菜... 凍食 capellini 煮得煙韌有咬口, 落了唔少 olive oil 及少量 garlic, 面頭鋪滿 cube 狀三文魚及少量三文魚籽, 拌勻嚟食, 帶三文魚籽的鹹香, 三文魚唔算好肥美, 但感覺幾新鮮, 口味清新, 食晒成碟都唔覺膩, 幾好食亦幾得意.
朋友揀的 spaghetti alla vongole 係我最喜歡的 pasta 之一, spaghetti 煮得 al dente, 好香 garlic 及 herbs 味; 蜆仔叫幾鮮美, 但唔夠嫩滑又有唔少沙, 可惜.
最後嚟一杯熱咖啡, 好香, 夠厚, 無澀味, 酸度低, 好喜歡
食物不錯, 環境亦舒服好坐; 訂檯時覺得 waitress 有點寸, 但嚟到坐低食飯又覺得 waitress 幾 nice 又 helpful, 服務又唔錯.
連加一每人約 $120, 唔算平, 但印象不錯, 不失為一個食 lunch 的好地方.
好開心的一個 "lunch getaway" 朋友 J, 下次試邊間呀?
*更多資料: http://www.sagrantino.com.hk/lunch.htm
張貼
