龍驤 (已結業)

紀念日食晚餐，訂左台，我遲左8分鐘，到餐廳前佢地取消左我booking，呢一下感覺其實已經唔係好好，其實當時餐廳冇客，可唔可以打俾我確認下呢？點左鐵板燒餐，味道其實普通，個人覺得唔係十分值呢個價錢。鵝肝多士好食，蝦都不錯，但鱈魚冇味，兩隻蠔比例差距勁大，燒和牛唔係咁香，普普通通。當然，最最最大問題係上菜時間，超級快，快過快餐，我6點8坐低，6點9點好菜，7點2已經上晒菜。一開始沙律上完轉個頭已經上蒸蛋，未食完就已經出現蝦；鵝肝上完冇耐都未食完就上帆立貝，每樣都勁快好似趕收工咁。知唔知食物係會凍？特別係冬天，而且我係想每樣慢慢食，我真係要俾千幾蚊食快餐？最後成件事60分鐘左右KO。我未食過一餐快到咁嘅紀念日晚餐。一。定。冇。下。次。