一風堂 (德福廣場) (已結業)

上次去食一風堂同幾個人一齊食，所以儲咗幾個印花可以換三十蚊現金券，所以今日一個人就走去食。星期六晏晝都幾多人，但一風堂啲位都幾有彈性，所以我一個人食就好快有位。自己食就唔係叫咗好多嘢，就係一個辣味味噌拉麵少辣普通麵。塊叉燒好肥好香，但個湯稍為淡咗啲。麵質就淋咗啲。之後唔夠飽，就加多咗個普通麵。相比之下加麵嘅麵質就彈牙啲。如果一個人食，又想坐得舒服啲嘅，一風堂係唔錯嘅選擇。