友利冰室 x 勿當奴 (D2 Place TWO) (已結業)

一直都好想幫襯，但次次嚟到都好長龍，今日專登晏啲先去，結果直入仲可以坐卡位。唔使問，當然揀咗乳豬卡邦尼意粉（$68），另加飲品（$8）。飲品自助係飲品區拎，好耐冇飲支裝可樂（仲要係大支），就揀你啦（可惜唔夠凍）。坐底後約十分鐘，就有人送餐嚟。三大件乳豬，肥瘦適中，最重要係脆皮，而且仲有肉食，質素高（如果多啲更好，當然要加收費啦）；卡邦尼意粉對比就普通咗少少，味道及份量是OK的，但沒有太大特色。今次試咗中西mix，下次試burger。