人和月雞煲火鍋店 (已結業)

係尖沙咀食烤魚必定唔可以錯過 【人和月雞煲火鍋店】，已經反兜咗幾次😝揀咗M4和牛海鮮，而加$58 可再升級3 款烤魚同呢排好多人嚟打卡嘅酥皮芝士麻辣雞煲~因為太想食烤魚，所以揀咗麻辣炸魚😋成盤上嚟，條魚勁大條而且魚質夠滑，魚骨唔太多，唔怕食到骨，辣度揀咗小辣，愈食愈夠味，先辣後麻麻，仲可以放啲火鍋料落去打埋邊爐😝食完先烤魚，就可以再揀火鍋湯底打邊爐😋烤魚個湯已經係麻辣，所以邊爐湯就揀個清清地， 胡椒豬肚湯湯料都好多，當然即落M4和牛啦~成盤咁上，睇得出好新鮮，M4和牛雪花分佈好靚，食落牛味好濃、嫩滑！封門柳柔嫩的肉質、豐富的肉汁， 但呢兩款都encore 好多次😋海鮮成盤上，有蝦、鮑魚、青口等，都非常新鮮另外仲每人有一客蒜蓉鮑魚，呢個真係好正，蒜味超濃配鮑魚嘅鮮味，好想食多幾隻呀😋出面可自助拎蔬菜、粉麵、丸等，最特別corner加設熟食區：有豐都麻辣串燒蝦、成都水煮牛，而鐘意係酸辣 蓮藕尖，味道酸中帶辣，爽口入味，仲要日日唔同款，一定要食呀！甜品最正係有芋圓，仲可加仙草同其他配料自制糖水~另外仲有雪糕可以食！由烤魚同打邊爐已經好滿足，熟食同甜品更係加分，以一個價錢可以食曬咁多嘢真係好抵