老四川 (已搬遷) 新店位置

叫左個酸辣土豆絲同半隻口水雞。通常第一次去一間餐廳都會叫小辣因為各間餐廳辣度不同，為左唔好辣到飛起而家做。先上土豆絲，淨係食到酸味而且仲係好酸嗰隻，完全唔辣。咁就問佢有無辣醬啦，佢就ee or or, 仲同廚房話明明係我自己嗌小辣。之後佢拎返碟野入去幫我加辣，唔知係佢有心加到好辣定點，酸味完全無哂。口水雞係食哂一大碟土豆絲後再等左至少五分鐘先上枱，其間樓面追單但係廚房又係咁話無單，拉扯左一大輪。睇落好似好辣，不過食落又無咩辣味。個碟好大，隻雞比想象中細。總括黎講，我未食過咁難食嘅四川野。兩碟餸加兩罐野飲盛惠兩舊，性價比都幾低。