影片
更多
2018-10-28
53 瀏覽
上星期四收工想食好嘢，返工返到好攰, 諗起食好嘢， 心情都可以好返d. 朋友提意去荃灣， 因為佢day off, 去行陣街先食飯~我出地鐵就行去轉轉天橋嗰邊， 差唔多落到底， 見到有間鋪好特別， 唔似平時普通荃灣鋪， 有d似soho區嘅鋪咁。。。。 行過去見到佢d嘢都幾有心思， 唔識點形容， 就好似好有心機去做咁， 就係因為咁， 就入咗去.好彩真係冇揀錯，本來想揀二人餐， 但係我地最後都係決定散叫， 想食乜就食乜， 返工辛苦嘛。。。。 不過。。。。 到最後都唔知食乜好,叫老闆介紹. 老細叫我地食蟹肉蟹膏意粉同黑毛豬， 個fd就想食三文魚他他同黑松露薯條，叫完先發覺好似有d多， 不過是但啦， 想食乜就食乜(同埋我地都幾大食架其實 ).老細送埋湯同埋原來出面有salad bar可以食， 仲以為得沙律。。。。 原來有埋前菜。。。 駛唔駛呀？ 佢嘅前菜唔係hea你， 係有鴨胸， 花之戀同哈密瓜parma ham.... 個parma ham係捲埋俾你， 花之戀又要續個整， 一d都唔hea, 真係有心機做，冇入錯嚟！！！ 其實佢仲有cake, 但係食完d嘢真係太飽， 食唔落喇已經.老細推介
我出地鐵就行去轉轉天橋嗰邊， 差唔多落到底， 見到有間鋪好特別， 唔似平時普通荃灣鋪， 有d似soho區嘅鋪咁。。。。 行過去見到佢d嘢都幾有心思， 唔識點形容， 就好似好有心機去做咁， 就係因為咁， 就入咗去.
好彩真係冇揀錯，本來想揀二人餐， 但係我地最後都係決定散叫， 想食乜就食乜， 返工辛苦嘛。。。。 不過。。。。 到最後都唔知食乜好,叫老闆介紹. 老細叫我地食蟹肉蟹膏意粉同黑毛豬， 個fd就想食三文魚他他同黑松露薯條，叫完先發覺好似有d多， 不過是但啦， 想食乜就食乜(同埋我地都幾大食架其實 ).
老細送埋湯同埋原來出面有salad bar可以食， 仲以為得沙律。。。。 原來有埋前菜。。。 駛唔駛呀？ 佢嘅前菜唔係hea你， 係有鴨胸， 花之戀同哈密瓜parma ham.... 個parma ham係捲埋俾你， 花之戀又要續個整， 一d都唔hea, 真係有心機做，冇入錯嚟！！！ 其實佢仲有cake, 但係食完d嘢真係太飽， 食唔落喇已經.
老細推介嘅蟹肉蟹膏意粉真係好驚喜， 原本都唔記得自己叫咗咩食， 但係當個fd叉d意粉出嚟嗰陣。。。。 痴線架？！ d蟹膏味駛唔駛呀？？？？！！！！ 香到呢。。。 冇幾何食到咁真材實料。 平時食蟹粉小籠包，d蟹粉都未必食得出， 但係呢個意粉真係好多蟹肉. 之後睇吓個蟹蓋， 仲勁， 痴線架！！！！！ 我開頭以為個蟹蓋冇乜嘢食， 點知。。。 係FULL晒蟹肉， 係超FULL!!! 正到呢。。。
之後食個黑毛豬， 好淋， 煮得啱啱好， 好厚切呀好味。 不過塊扒都好大塊， 一個女仔食都應該幾多吓， 兩個share啱啱好.個汁都好好味架
差d唔記得講個三文魚他他同黑松露薯條。 三文魚他他賣相好靚， 又好好味， 超多料， 正~. 黑松露薯條都好味， 其實都幾飽， 不過唔叫你會後悔囉， 因為隔離枱一叫，當你聞到d煤氣味，你就會想食
值得一提係真係覺得呢間餐廳係用心經營，連d碗同碟都好似揀過咁， 一路食， 一路睇， 心情都靚d, 好彩冇嚟錯！冇伏
走嗰陣見到門口原來都有一人餐， 168 一個都幾抵食， 下次過開荃灣會再幫襯. 我而家有少少卦住個蟹肉蟹膏意粉喇.....
松葉蟹肉蟹膏意粉
$563
7 瀏覽
0 讚好
0 留言
張貼
