影片
更多
2010-08-17
182 瀏覽
好多年前佢未大修之前黎過呢到食野，印象就冇乜啦，係近呢2年就聽到佢名氣大左，仲響open rice成為得獎熱店，又有朋友仔大讚好食，不過上open rice望下D食評就好壞參半，又唔係咁好咋啵…好!見佢可以count 埋里數，就抱住即管試試'啲心態啦~Cobi爸亦好想試下Yamm，何況今次佢做東，梗係老細話事啦~Yamm 啲環境真係幾好feel，深色啲裝潢好modern，好有cyble feel，好適合啲yuppie響到hea幾粒鐘~半圓啲卡位望落好舒適，絕對適合情侶或三兩知己，不過我地一行8人，所以同卡位冇緣~不過話哂都係星期日中午，點解入座率唔夠一半? 有原因啲~坦白說，食物種類唔多，而且質素同味道方面唔見十分出色。先講前菜沙律，有好多種款式，不過自己只係試左水牛芝士番茄沙律同少少green salad，水牛芝士同番茄可謂最佳拍檔，再配上清新啲沙律菜，一清一濃，以兩者配搭做出啲沙律，味道帶酸而且清新，係一道唔錯啲開胃菜。轉攻我啲至愛Parma ham，食意大利菜經常叫啲Appetizers。可惜只係見到成碟火腿放響到，而唔係成隻肶放響到即場切比你，有少少失望囉，因為D火腿片開之後放
Yamm 啲環境真係幾好feel，深色啲裝潢好modern，好有cyble feel，好適合啲yuppie響到hea幾粒鐘~半圓啲卡位望落好舒適，絕對適合情侶或三兩知己，不過我地一行8人，所以同卡位冇緣~不過話哂都係星期日中午，點解入座率唔夠一半? 有原因啲~坦白說，食物種類唔多，而且質素同味道方面唔見十分出色。
先講前菜
沙律，有好多種款式，不過自己只係試左水牛芝士番茄沙律同少少green salad，水牛芝士同番茄可謂最佳拍檔，再配上清新啲沙律菜，一清一濃，以兩者配搭做出啲沙律，味道帶酸而且清新，係一道唔錯啲開胃菜。
轉攻我啲至愛Parma ham，食意大利菜經常叫啲Appetizers。可惜只係見到成碟火腿放響到，而唔係成隻肶放響到即場切比你，有少少失望囉，因為D火腿片開之後放響到唔食，好容易風乾，咁就變得唔好食架啦。不過可能剛剛開始，D ham還算可以…火腿紅潤有光澤，肉質嫩、又無筋，脂肪如雲石般分佈，入口即融，再配合埋密瓜，同時間比一甜一鹹啲味道攻擊我啲味蕾，感覺好爽！Parma ham啲回味鹹香，襯到個密瓜啲甜味好出，大大提高左個胃口，令我無法不愛。平時食意大利菜啲時候就頂多食2-3件，仲係細細碟咁，到喉唔到肺…今次食buffet就可以食足幾碟，好鬼滿足~
再黎冷盤，冷盤就選擇唔多，只有淡水龍蝦仔、凍蝦、藍青口、即切魚生、壽司、煙三文魚、cold cut，每樣都有食少少啦~
淡水龍蝦仔，真係好細隻，又唔好肉，仲要費時間去殼，不過味道還算鮮味，不過收$288一個人食淡水龍蝦仔…絕對唔扺囉，情願花時間食凍蝦好過，起碼好肉好多。
凍蝦，好新鮮，又夠Size，又好肉，仲有羔添，入口鮮甜又爽口，不過食得多好易飽肚，食少少好啦~
藍青口，青口好新鮮，又鮮甜，Size略為細左，不過可以一口一隻，分別食左兩公兩乸，公啲肉質較為爽口，而乸啲味道較為香甜，絕對唔似香口膠啲口感，質素唔錯~不過皮膚唔係咁好啲，就少食為妙啦~
三文魚，好新鮮，又無筋，但唔算肥美，不過響決貨啲情況下，有貨總好過無貨啲…
劍魚腩，之前好少食劍魚腩，因為今次啲選擇唔多，所以就聽下個廚師介紹試下囉，返埋位望真D至見到個魚身有兩點紅，心諗…條魚劏得唔好，一入口就feel到有少少腥…食半件都嚴多，唔得呀！咁啲質素點可以響酒店出現，仲係要廚師介紹?個廚師炒得啦！
煙三文魚，食green salad 果陣食左2片，未食都已經聞到有陣陣啲煙燻香味，入口仲加埋個咸香味，絕對ok~
壽司、cold cut冇食；生蠔，長腳腳…全部唔見影…
湯，例牌1中1西口味，洋蔥湯同青紅蘿蔔煲豬月展，Cobi爸試飲左個中湯，佢啲comment係「好濃郁啲例水」…
再黎熱盤，睇落好行貨，全部都係例牌菜，而且數量唔多，10隻手指數得晒，令人失望，所以只係隨便食左少少~
青咖喱，記憶中青咖喱很香辣，加埋個印度薄脆點個咖喱汁，OK~
串燒， 雞、牛、豬每樣各1串，肉啲質感OK，唔似比梳打粉「那」過，又唔「鞋」口，個沙爹汁都好香濃、好惹味。不過個廚師好似發夢咁，D青瓜要問先至比你…
照燒銀雪魚，魚肉好滑好肥美，又冇overcook，個照燒汁都好濃郁好香，不過銀雪魚好高脂肪，唔可以食太多，如果唔係會食唔落其他野。
燒牛肉，肉質「鞋」口，又無牛味…唔得!
日式天婦羅唔錯，只係order左蝦同蕃薯，兩者都係我每次食天婦羅啲首選，材質好新鮮、size又夠、蝦啲肉質又爽，蕃薯都好甜，炸到外脆內軟，一D都唔油膩，色澤又金黃，粉醬調配得宜，D天婦羅汁加埋蘿蔔蓉，令本來熱氣啲天婦羅，入口頓見清甜，相當出色。
終於甜品出場，一個人如果鍾意食甜品的話，幾飽都會食得落架…哈哈哈~
Brownie朱古力味道非常濃烈，但口感相對比較硬身，可能唔係熱食啲關係…如果能夠熱辣辣咁上枱…再加個雪糕響面…幻想中~~~
Chocolate Truffle，普普通通，冇入口溶化啲感覺。
黑森林，又係朱古力?冇法啦，係我啲至愛~蛋糕好鬆軟，不過可能食左太多朱古力啲甜品關係，味覺已經有少許麻木，但依然品嚐到有淡淡啲rum酒香味。
蘋果肉桂批，批身比較薄，食唔到蘋果啲juice感覺，不過D肉桂味好香，都係果句，如果係熱食就好啦~
藍莓芝士餅，唔知點解個甜品師傅要做到佢咁「白乃哂」，面層仲加左層糖漿，芝士本身已經好溜，加埋糖漿就超甜，個人比較喜歡有少少燶面，可能藍莓芝士餅平日太多時會食到，所以感覺非常普通。
雪糕係HD品牌，可惜味道選擇少，只有雲尼那、咖啡、士多啤梨，略為普通，不過都要食佢兩杯! ^^
唔知係飽? 定係唔吸引，完全冇encore啲意慾。不過環境就非常唔錯，可能入坐人數唔多，唔係太嘈，感覺好，環境比食物吸引好多，不過星期日啲中午，如果能夠坐響有陽光到啲餐廳就更perfect。$300啲lunch耐唔耐食1次都算係一種享受，不過抵唔抵食就真係見仁見智啦…Yamm比唔到我encore啲意慾，反而Island 香格里拉我想再去囉~唔係好明點解佢會成為得獎熱店…?
張貼
