鮨海

營業中

休息中

坐壽司巴台已經成為習慣，好鍾意睇住師傅整壽司。今次係小妹第二次黎到呢間日本餐廳，第一次既印象深刻，覺得呢度既壽司性價比高。物超所值，所以聖誕節🎄黎encore多次。一如既往叫左一個deluxe sushi set, 今次既壽司同上一次黎有少少出入，應該係因為有啲係季節性既魚。赤身壽司上面加左紫蘇花，令成件壽司增加左香氣，比平時既赤身壽司加左好多分，好驚喜。赤鯥壽司又係當日既另一驚喜，出奇地多油份，軟淋淋，入口即溶，可以同左口魚邊互相媲美。😋令我對赤鯥改觀，還佢（赤鯥魚）一個清白。因為第一次食既時候油脂冇咁多，當時真係有啲失望。經過今次，我決定以後見到都要俾多次機會佢。拖羅上面有好多新鮮即磨既芥末，有少少搶左拖羅既油脂，但係依然好好味！帶子壽司上面加左少少梅子醬，個人認為搶哂成粒帶子既味道，其實簡簡單單少少海鹽已經好加分，加埋梅子醬就好似搶哂成粒帶子既鮮甜味。整體黎講，環境乾淨，服務又唔錯，而且性價比相當高既日本小店！力撐用心經營既小店。💪🏻 另一讚賞，星期一至日都有午市套餐，實在太難得。