錫記雲吞麵食

營業中

休息中

去朋友仔酒吧開將前食小小野打個底安全一點噃，行左幾條街發現有間雲吞麵檔，急急食碗麵先！有緣路過第 1 次幫襯，內籠同門口裝修都幾簡約，古色古香。見位後生仔 keep 左包雲吞，而有位伯伯就不慌不忙慢慢行去煮麵，另一位伯伯就橋晒腳坐係度定晒形，依個畫面好正 ﹗雲吞老店都係依傅統 menu 以手寫貼大字報為主，見款色都好主流，雲吞麵檔同時會有鯪魚球、鮮牛肉、水餃供應。雲吞麵走蔥，巨形雲吞 ﹗發來佢地主打大 size 雲呑作招來，連我都只係緊緊放到入口乍！不過我一向都唔多喜歡特大雲吞。試試先，趙落感覺有點鬆散，彈牙度、結實度都麻麻地。蝦仁同豬肉味道普通，瘦肉唔係太多，整體都算滿意。雲吞 size 大唔一定好，一口雲吞而口感結實彈牙會開心啲囉！大地魚湯底香濃清甜，麵條雖然爽口，但可以更好！辣椒油幾好味喎，難得 ﹗味道夠香夠辣夠幼細，辣中仲帶少少甜添！