Pepper Lunch Express (朗豪坊)

營業中

休息中

食外賣食得多，有時都係想食下呢d鐵板燒、烤肉、牛排既野。原本想上一田食，但最後都黎左foodcourt食pepper lunch。見到menu，又想食唔係一片片既牛肉，又想食漢堡排，所以就叫呢個set。叫完之後先諗會唔會冇跟飯，最後都係有。就好似每個pepper lunch既飯咁，拎得既時候ja ja聲，加上鐵板燒既香味，最吸引人就係呢下。牛柳粒上既時候都幾生，所以要自己煎番熟佢。而漢堡排就熟哂，上面既芥末醬有少少溶緊，睇落好吸引。但就好似上次喺第二度食呢d鐵板牛排咁，了多兩了，就發覺d牛柳好似已經熟得滯。唔緊要啦不過，都係過下癮，o趙多陣都ok既。漢堡排就好林，係我期待既漢堡排既口感，唔錯。煎完牛，索性扔哂d飯落去吸味同吸油，係就係肥仔餐左少少，但咁先好味ma。粟米夠甜，西蘭花落左鹽同黑椒，煎完都好食。加埋佢地既醬汁，d飯好快就食哂，下次睇黎係要加大個飯。