粥棧小廚

營業中

休息中

粥棧小廚出咗名就係食家常菜，今日就俾機會佢。由於冇訂位，所以待應講明幾點交枱。不過餸菜上得慢，食得幾急。點咗個果皮蒸班頭腩，頭腩的皮去魚鱗都算乾淨，只有一件係有少少鱗，同埋新鮮，又多肉，豉油甜甜地中和左果皮味。 出面寫有即劏龍躉日日新鮮，食落確係好有鮮味的，而且個魚皮非常厚，好有骨膠原。黃油雞籠仔蒸飯就咁睇覺得飯好濕，估佢爛爛地，但入口覺得個飯都係炒過的，好香口。另外黃油雞非常嫩滑，而且係新鮮雞嚟的，食得出有雞味，但係就冇雞髀。叫咗個齋煲，就係芋頭淮山南瓜煲，芋頭份量太多，相反淮山同南瓜就太少，但係好香口，因為有椰汁底，送好多碗飯都得。阿媽都讚，服務態度又好左少少，咁就有下次啦!