廢茶 (葵涌廣場) (已結業)

行街梗係去葵廣掃街啦，行到二樓見到有間新開嘅珍珠奶茶店叫廢茶覺得個名好搞笑，而且入面仲有兩個好可愛嘅樹懶公仔，於是俾佢吸引左去試下啦。明明間嘢叫廢茶，但係啲茶一啲都唔廢囉，我叫左杯抹茶鮮奶加仲有個廢物炸花枝丸，呢杯抹茶鮮奶落左有好多綠茶粉再溝埋濃濃嘅鮮奶，再由自己親手搖勻，呢兩個配搭真係夏天嘅解渴之選。店員仲好好畀我杯嘢飲同兩個樹懶公仔一齊影相真係好可愛呀，少女心爆棚。廢物炸花枝丸一啲都唔廢呀，粒粒彈牙又爽口佢仲搽咗啲蜜糖喺面，正到爆啦！而家學生仲有特價$15就有費事你諗奶茶啦！費事你諗奶茶係有珍珠，仙草仲有隨心之選組合而成，真係唔使你諗加咩料。