影片
更多
2022-09-18
57 瀏覽
味道：4.5/5環境：4.5/5服務：5/5同朋友喺佐敦做完facial，想搵間西餐坐得舒服嘅傾下偈，經過呢間81公館，望咗餐牌兩個都覺得ok就走咗入去🤣(好hea的兩個人🙈) 一入到去，餐廳雖然唔係話好大，但環境係幾好幾舒服👍🏽尤其係侍應哥哥勁nice，係出乎意料地好好服務，見我哋望咗餐牌一輪，佢主動嚟介紹比較受歡迎嘅係邊幾款。其實有時我諗唔到叫咩，都會叫侍應介紹，但通常都介紹得有啲hea🥹但呢位哥哥會仔細講用咩材料、咩烹調方法，甚至連同一般坊間嘅做法有咩唔同都講得出。我忍唔住講句，你都了解得好清楚喎😲原來，佢都係廚嚟㗎，會一齊研究同設計menu😂難怪難怪🌟麻香海鮮扁意粉🦐🐙睇英文見到係Pesto，一般我唔太會揀Pesto，因為覺得太草青味，但佢個麻香就正正減輕咗陣草味，而且係麻而不辣，仲有好濃郁嘅pine nut味，味道好有層次，同出面食過嘅真係好唔同🤩🌟慢煮牛肋條配香煎上海年糕🐮牛肋條煮得非常入味同軟淋，但又唔係爛到一拮就散晒👍🏽朋友特別欣賞佢配搭嘅上海年糕，每條都煎咗一面好香脆，其餘三面都係軟熟掛汁，非常驚喜😲✅鮮奶桂花☕️一個字，滑👍🏽 細細品嚐，會有淡淡嘅桂花香，咖啡嘅濃淡掌
環境：4.5/5
服務：5/5
同朋友喺佐敦做完facial，想搵間西餐坐得舒服嘅傾下偈，經過呢間81公館，望咗餐牌兩個都覺得ok就走咗入去🤣(好hea的兩個人🙈)
一入到去，餐廳雖然唔係話好大，但環境係幾好幾舒服👍🏽尤其係侍應哥哥勁nice，係出乎意料地好好服務，見我哋望咗餐牌一輪，佢主動嚟介紹比較受歡迎嘅係邊幾款。其實有時我諗唔到叫咩，都會叫侍應介紹，但通常都介紹得有啲hea🥹但呢位哥哥會仔細講用咩材料、咩烹調方法，甚至連同一般坊間嘅做法有咩唔同都講得出。我忍唔住講句，你都了解得好清楚喎😲原來，佢都係廚嚟㗎，會一齊研究同設計menu😂難怪難怪
🌟麻香海鮮扁意粉🦐🐙
睇英文見到係Pesto，一般我唔太會揀Pesto，因為覺得太草青味，但佢個麻香就正正減輕咗陣草味，而且係麻而不辣，仲有好濃郁嘅pine nut味，味道好有層次，同出面食過嘅真係好唔同🤩
🌟慢煮牛肋條配香煎上海年糕🐮
牛肋條煮得非常入味同軟淋，但又唔係爛到一拮就散晒👍🏽朋友特別欣賞佢配搭嘅上海年糕，每條都煎咗一面好香脆，其餘三面都係軟熟掛汁，非常驚喜😲
✅鮮奶桂花☕️
一個字，滑👍🏽 細細品嚐，會有淡淡嘅桂花香，咖啡嘅濃淡掌握得好好😋
🌟81 Signature (cocktail)🍸
Vodka based 嘅cocktail 永遠係我嘅首選，佢配咗紅莓同菠蘿，🍍嘅甜中和咗紅莓嘅澀，非常清新易入口，就算怕酒精味重嘅女仔都唔怕🤓
✅明知茉莉花最愛是椰子🥥
下面係清香茉莉花茶，上面係綿密嘅椰奶忌廉，兩者配合得好好，椰香得嚟唔會太膩👏🏾
🌟超脆油炸鬼配芒果汁及雪糕🍨
又係新穎嘅配搭，油炸鬼真係炸得好脆唔硬，芒果汁食得出唔係糖漿，而係新鮮芒果茸，配埋雪糕，啱晒宜家呢個熱到溶嘅天氣，而且唔會好似一般甜品咁漏🤤
本身係抱住求其食嘅心情走入嚟，但結果係出乎意料地好。見到侍應哥哥會去問下各枱客嘅意見，喺香港地真係好難得咁有心，睇得出佢好用心，想不斷改良出品，好欣賞佢哋嘅態度🫡 我同朋友都話一定會再嚟，仲已經決定咗下次要試啲乜嘢🤣
📍捌壹公館 (佐敦)
佐敦吳松街81號地舖
張貼
