道北工房 (已搬遷) 新店位置

餐廳距離地鐵站唔算遠，10分鐘內就到，都幾方便。餐廳佔地2層，地面果層有好多海鮮缸，證明海產非常新鮮。新鮮生蠔同鯛魚刺身🐟海產咁新鮮當然要叫返幾款試下啦。我地點左生蠔同鯛魚刺身。生蠔好大隻好肥美，而且好鮮甜。鯛魚平時好少食，估唔到原來咁清甜，重點係好厚切。海膽火鍋🍲平時食海膽都係就咁生食，真係人生第一次用海膽做火鍋湯底🤩 店員話佢地係用六隻北海道海膽去做，加埋上等昆布汁做鍋底，齋聽未食都已經覺得好吸引。火鍋料拼盤包左三文魚，大蝦，蟹腳，帶子等等好豐富好抵食～沾滿海膽的食材除左本身食物的清甜外，會多左一份海膽濃郁的鮮味，真係好正👍🏻 食完曬之後店員仲會加入白飯，雞蛋等去煮成粥，超級滿足呀！不過呢個係期間限定，所以未必次次都有得食！