影片
更多
2011-02-16
375 瀏覽
11月13日, 呀菲嘅農歷生日晚飯選擇咗嚟呢度~ 講真喺台灣就食得多, 因為一路都覺得香港食唔抵, 所以都未食過. 不過今晚多人食就無妨, 因為可以一次過叫多d食盡唔同款式~ 不過呢度冇得訂位, 好彩等咗15分鐘左右就有位喇!::: 紹興醉雞 ::: $68雞肉用上脾肉, 都幾嫩滑~ 皮下肥膏唔多, 食落都唔會好肥膩~ 但係酒味就比較少, 似凍雞多過似醉雞…::: 干煸四季豆 ::: $28煮得幾香口, 四季豆都幾鮮甜, 咬落卜卜聲咁好爽口~ 油就略為落多咗d, 食多幾條有少少油膩感…::: 蒜香粉皮肉 ::: $48呢個味道幾刺激, 有蒜香得嚟仲有少少辣吊下味! 用上薄薄嘅五花腩肉, 不過都係偏瘦. 中間嘅粉皮撈埋d蒜辣味好出眾, 粉皮亦夠晒滑, 可惜份量比較少~::: 特色小籠包 ::: $48來到鼎泰豐, 不得不食小籠包, 先來一客普通嘅~ 皮係比較厚身, 但係都算幾淋~ 咬一口, d肉湯直頭係標出嚟, 十分juicy! 內裏嘅肉餡霧出熱騰騰嘅蒸氣, 肉湯仲係熱辣辣嘅, 辣口都唔理, 一定要襯熱食~ 同其他地方例如翡翠拉麵比較, 肉味道唔算濃, 反而有少少清淡感, 不過肉質就比較
::: 紹興醉雞 ::: $68
雞肉用上脾肉, 都幾嫩滑~ 皮下肥膏唔多, 食落都唔會好肥膩~ 但係酒味就比較少, 似凍雞多過似醉雞…
::: 干煸四季豆 ::: $28煮得幾香口, 四季豆都幾鮮甜, 咬落卜卜聲咁好爽口~ 油就略為落多咗d, 食多幾條有少少油膩感…
::: 蒜香粉皮肉 ::: $48呢個味道幾刺激, 有蒜香得嚟仲有少少辣吊下味! 用上薄薄嘅五花腩肉, 不過都係偏瘦. 中間嘅粉皮撈埋d蒜辣味好出眾, 粉皮亦夠晒滑, 可惜份量比較少~
::: 特色小籠包 ::: $48來到鼎泰豐, 不得不食小籠包, 先來一客普通嘅~ 皮係比較厚身, 但係都算幾淋~ 咬一口, d肉湯直頭係標出嚟, 十分juicy! 內裏嘅肉餡霧出熱騰騰嘅蒸氣, 肉湯仲係熱辣辣嘅, 辣口都唔理, 一定要襯熱食~ 同其他地方例如翡翠拉麵比較, 肉味道唔算濃, 反而有少少清淡感, 不過肉質就比較豐富, 質感一流~ 似台灣仲好食d~
::: 蟹粉小籠包 ::: $68 x 2一客小籠包又點夠, 再嚟多2客蟹粉小籠包~ 可能咁啱大閘蟹又當造, 呢個蟹粉味好濃厚, 剛好同清淡嘅肉餡形成一個好好嘅配搭!! 同普通嘅小籠包比呢隻蟹粉小籠包味道會更加平衡~ 蟹粉份量夠多, 雖然貴d, 不過值得~
::: 香菇素餃 ::: $50蒸出嚟嘅賣相唔太討好, 因為好似乾爭爭咁~ 個皮蒸得太乾同埋開始硬硬地, 搞到食落好黐口…可幸裏面嘅菇同菜都濕濕地先令到成隻餃冇咁乾… 味道上亦頗清淡, 果然係素餃…
::: 糯肉燒賣 ::: $48絕對係普通得嚟味道又唔特別嘅一味… 只係同一塊麵粉皮包住d糯米整到個樣好似燒賣咁去蒸, 但係d糯米味道好淡, 麵粉皮亦食唔出有咩味道, 再加上喺d糯米入面搵唔到肉咁滯, 完全係唔抵食…
::: 蝦肉紅油抄手 ::: $45個紅油抄手蝦肉雖然大隻, 質地夠爽口但係冇味! 整體味道亦係麻麻地, 不過d辣油就剛剛好, 仲可以撈飯食~
::: 蒜蓉油麥菜 ::: $40食咗咁多肉, 都係要叫個菜清清腸胃~ 唔算特別, 同出面小炒菜館嘅蒜蓉炒菜冇乜分別, 不過就真係幾細碟…
::: 台式擔擔撈麵 ::: $30唔知道台式實際上同上海式有乜分別… d湯汁好杰身, 但唔多唔少嘅份量真係唔知叫佢湯麵定撈麵好… 湯底有花生醬味, 但辣味就嫌佢唔夠. 而麵身比較粗身, 都幾香, 但係就煮得淋咗d… 好在人多, 如果人少要食多幾啖呢個麵會好膩…
::: 炸醬伴麵 ::: $35反觀呢個炸醬麵就比擔擔撈麵好, 似係平時食開嘅撈麵. 炸醬除咗肉外, 仲有豆粒同菇粒, 味道好似肉燥咁帶少少甜味, 啱晒我地~ 味道幾濃, 撈埋麵一齊食好好味~!
::: 蔥花蛋炒飯 ::: $30本身係一個好簡單嘅炒飯, 但係食落又幾好味wor~ 簡簡單單用蛋加蔥去炒, 有蛋香又有蔥香, 食完隻碟亦冇乜油~ 不錯!!
::: 排骨蛋炒飯::: $55
其實只係蔥花蛋炒飯加咗塊排骨上去~ 不過就要加多$25, 就好似有d唔抵… 好在排骨份量超多!! 亦炸得幾香酥, 肉質亦保持到嫩而多汁. 味道惹味, 小小鹹配上炒飯亦十分好~
果真係台灣過江龍, 可以喺香港站穩陣腳係有佢原因, 成日都有好多人排隊等位, 又有外國人嚟食~ 不過間唔中都會去台灣嘅我地, 都係留番去台灣嘅時候先再食啦~
張貼
