The Point - Pizza & Pasta (MegaBox) (已結業)

呆在家中，不如去逛逛大型商場， 購物食飯，消消悶氣，行到 11樓見到有我之前在其他地區食過的The point，一於再encore🤗。 龍蝦湯香濃的龍蝦湯，濃稠適中，口感香滑順口，🦐🦐最愛食又愛喝！ 紅酒燴和牛肋肉配蜆殼粉牛肋肉炆得腍夠入味，充滿骨膠原， 配大大粒蜆殼粉， 粒粒吸收醬汁， 味道非常好。 Carbonara pizza (9'')🍕餡料豐富-意大利風乾火腿，薯仔片，水牛芝士，巴馬臣芝士，鮮雞蛋， 忌廉芝士醬， 喜愛食薄批，這個選擇真係唔錯，一手拿起芝士拉絲不斷，同時中間鮮雞蛋流走，滲入薄批，食得滋味， 風乾火腿鹹香更加令味道特出!Brownie in a pan食得飽都要加多呢個甜品，即叫即製， 雲呢拿雪糕下面係美味Brownie蛋糕，濃濃的朱古力味又不算太甜，在旁邊的鬆化合桃及烤香的香蕉， 口感層次豐富。座位舒適而食物同樣有水準，值得再來。