湘川滬 (+WOO嘉湖二期)

營業中

休息中

一班親友聚會，當中有長輩，所以揀左中菜館 。店舖名已經講明入面有川（四川）滬（上海）湘（湖南），一間食店有齊3個地方菜色，一次滿足晒3個願望。鎮江餚肉$58光滑晶瑩，鹵凍透明。瘦肉香、肥肉唔膩，分佈得啱啱好。配埋香醋，有另一番風味。上海醉豬手 $60出街食豬手最怕去毛去得唔乾淨。呢度就處理得好好。肉質Q彈唔會韌。食時再點下汁就更有花雕酒味。夫妻肺片$55一道有名川菜，以牛內臟為主。香辣惹味，底下配青瓜，爽脆口感，中和麻辣感覺。土匪牛肉 $108無辣不歡嘅我地，見到一上枱有咁多辣椒就食指大動，牛肉肉質非常口感好淋，唔會好韌。