石磨坊 (已結業)

石磨坊給我最大的誘惑是刨冰，涼粉和燉奶（因為糊類可以去福元），今次居然俾我一次過滿足晒，好開心呀！紅豆泥刨冰($26)：今次終於知道石磨坊的刨冰同涼粉有咩分別－－－原來刨冰就係冰高涼粉少，涼粉就係冰矮涼粉多！紅豆泥刨冰夠尖，冰夠硬，用匙仔都敲唔郁，其實唔係真係咁高架咋，不過真係好需要多Ｄ花奶，因為舊冰本身無味，紅豆泥夠紅豆味，不過嫌唔夠芋泥杰，無咁好撈冰，而且因為冰多，好夠唔夠撈咁，其實總體都唔錯，如果涼粉多返Ｄ就好喇芋泥涼粉($26)：同刨冰比，我就鐘意涼粉多Ｄ，雖然配料一樣，但係多返好多涼粉！冰少吃多滋味嘛，涼粉的刨冰份量就剛剛好！唔駛再加花奶都夠甜！芋泥夠杰，好夠芋頭味，撈冰撈涼粉撈花奶同齋食都一流！而且雖然佢矮過刨冰，但係我覺得飽肚過刨冰好多！可能因為芋頭同涼粉的緣故吧！朱古力蛋白燉鮮奶($18)：全部都係冰，食到超凍，凍到震，拿拿聲叫返碗熱野暖下，朱古力燉奶夠晒朱古力味，蓋過了奶味，我覺得都幾滑，而且好濃好香，同傳統燉奶比又有一番滋味！我都好鐘意！服務唔錯，我食刨冰時問佢要花奶佢就俾左一碗我，之後見我食涼粉又主動問我要唔要再加花奶，好體貼啊！夏天一定會再黎食涼粉消暑！