半熟工房 (已結業)

經過半熟工房N次，但仍未食過半熟工房既芝士半熟撻同綠茶半熟撻，為左確保今次一定買到，所以12點個陣見冇人排隊，已經問定幾時出爐。上完堂，下午四點幾，去到都係20個人排隊到，我仲唔買到，不過店面即使放左新鮮出爐既tart都唔會有好餅香味。其實呢一點我係有少少失落。可惜，我聽到我前面兩個操普通話人買好多，成日怕執輸既我，由原本想買四個，點知最後買左每樣半打真想講句：「我都有錢買﹗我地香港人唔會比你地買哂我地既野」講番個tart 先，店員提醒，翻熱或加熱個tart會令半熟質感變左(我估係會熟左)，唔係即時食，放室溫就得，雪凍食都可能會影響我就室溫食啦，芝士撻既半熟流心芝士味濃但不腻，味道剛好，始終唔係食個陣已經凍左，聞落唔會好香好香。綠茶tart 呢就唔會好濃綠茶味，亦唔會有綠茶既茶味，奶味牛油味比較大，本人不是綠茶控，所以唔會太失望兩者相比，我鐘意芝士撻多D，兩種值得一試，而且唔使好似另一家係sogo個間等咁耐，送禮自「食」都一流