客家好棧 (大本型)

營業中

休息中

斑腩煲好夠味道，尤其係個汁，當中有D大大條既薑和蔥，屋企人覺得好食，但我唔食既，而斑腩好入味，完全吸曬個汁D味道，外皮雖然唔脆，韌韌地都一樣好食，里面既魚肉亦都好嫩滑。滷水鵝係最好食既，入曬味，鵝肉鮮嫩，無骨啖啖肉，但豆腐就淨係得個表皮有味，入面就淡而無味，而且唔夠滑，滷水蛋既質地有D實淨，蛋黃好粉，但係蛋都係唔入味。鮮魷炒得o岩o岩好，既熟又嫩，可惜份量比較少，而我唔係好喜歡入面有小小草菇，草腥味都幾勁，D菜芯就炒得幾好食，火侯好夠，由於是例牌，。炒飯味道好濃，甚至有小小偏咸，另外個炒飯唔夠干身，有小小油膩既感覺，但肉碎份量好足料，當中還有蛋同小小好似雪菜，所有野配搭起上黎都唔錯既。反沙芋就一般般啦，由落單起要等10分鐘，沙糖夠多，好甜，一拎出黎既時侯好燙口，但重點係芋頭唔粉，食落有小小爽口，應該係食材本身既問題，之前幾次食都係好粉。