Be Leaf (已結業)

【環境⭐️⭐️⭐️⭐️⭐️】非常靚，裝修非常有心思！而且歡迎寵物，另外有售賣寵物凍乾，這點非常欣賞！【主菜⭐️⭐️】叫咗肉眼牛扒+*生日贈送*的豬肋骨～豬肋骨係偏軟腍嗰種煮法，不計肉質，但係真係冇乜豬香味，淨係食到面頭燒烤醬味道，醬的調味不錯。伴菜的薯條是香脆的很不錯！因為是生日贈送的，所以還好。但正價$3xx就不太值了。肉眼牛扒就幾失望，因為賣相其實係幾靚，叫三成熟，嚟到都起碼係5成以上。雖然仍然有少少粉紅色肉質，但係已經非常乾身，冇乜肉汁，食唔出有黑椒/鹽調味，枱面上沒有黑椒/鹽提供（沒有另外問佢攞，可能問佢攞會有的）。牛扒有跟松露汁，雖然有松露香，但係味道都係不太吸引。伴碟應該係甘筍蘿蔔蓉？一般，沒有特別調味～就是蘿蔔～【飲品⭐️⭐️⭐️⭐️】焦糖餅咖啡個人非常喜歡！大大塊焦糖餅很滿足～因為焦糖餅會溶，所以咖啡冇加多餘糖水，配搭得非常好！咖啡亦都幾香～【甜品⭐️⭐️⭐️⭐️】跟套餐加咗個疏乎厘班戟，聽講係招牌菜就想試吓～ 味道亦都非常之唔錯！班戟本身非常香牛油同蛋香，唔點任何醬汁本身都好好食！朋友喜歡所以試咗綠茶紅豆味，個人沒有特別喜歡抹茶所以不作評論～但醬汁亦比得非常多，份量對得返住個價錢～【服務⭐️⭐️⭐️】基