拉麵來

營業中

休息中

拉麵店用上日本昭和年代嘅裝修，設計及擺設別有一番心思，特別欣賞連餐牌都用上日式漫畫風介紹。牛舌牛尾湯拉麵$108呢款拉麵係店長推介嘅，選用牛卷骨及牛尾餚製6小時，配上黑椒、香葱和香筍，再拌上以鰹魚及昆布湯唵製的安格斯牛舌，湯底味道濃郁帶獨特香氣，厚切牛舌軟腍入味，啱晒鍾意牛味嘅朋友。香濃雞白湯拉麵$92以40公斤雞熬製出極濃雞湯，配以叉燒、木耳、青葱及紫菜，附上骨膠原啫哩，湯底濃郁鮮甜，啖啖有滿滿骨膠原，麵條彈牙，非常滋補，女士首選。自家製餃子$42即煎餃子外皮煎到趣卜卜，餡料味道調校得剛好，加埋醬汁更添層次。廣島蠔$49即叫即炸，外層吉列鬆化、蠔肉保持鮮嫩，入口juicy。