舍利鮨 (已結業)

近排人氣非常之高企嘅廚師發板，我今日同朋友都一齊去咗一間喺元朗嘅叫做舍利鮨既日本餐廳去湊湊熱鬧！入到去環境同裝修都非常之簡約！令人感覺好舒服！而佢入邊有好多唔同既酒品做擺設！感覺非常之高貴優雅！我哋坐低就之後，廚師就整咗一個叫時不知既菜式我哋食！我哋完全唔知咩黎，唔講唔知🤔原來佢係一個野生三文魚刺身！雖然佢係野生，但油脂非常豐富，好好味😋之後廚師仲整個池魚俾我哋食！池魚大大件非常厚身不特止，仲要上面有啲薑蓉同入面仲有少少蔥花，夾埋啲魚一齊食，口感非常之特別！唔單止有魚嘅鮮香仲有一點點嘅清香味！燒物同樣非常出色！我哋試咗個一夜干香魚，非常香脆可口，咬落去又有陣陣魚香同好多汁！仲有個櫻煮八爪魚同樣好好食！八爪魚煮得非常之冧，唔會難咬之餘亦好鮮嫩爽口！