影片
更多
2007-04-22
19 瀏覽
痴痴地~~!!!尋晚21/4同父母去打邊爐,諗住之前食過小菜都ok, 咁今次打邊爐...點知出事!!先講野食:六日假己經唔係平架啦,十幾蚊廿幾蚊都有但計埋加10%其實成廿幾三十蚊碟,又唔係話大碟添喎!1~d四寶丸望落去係似好味,但食無味既係就係彈牙2~鱔片淋既又唔係無味3~花枝片ok4~手切牛預先切定成碟雪住,一路食一路溶雪出哂血水5~羊肉片又係同手切牛一樣溶雪出血水~6~魚肉豆卜,魚肉無味豆卜怪味7~醉雞鍋底,聞落好香,都有d葯材,但雞又係無味8~菜..正常9~雞片又係無味10~2枝啤酒幫襯啤酒妹妹的環境:唔知搞咩,一開始坐低己經有蚊之飛,諗住一隻兩隻無乜所謂,撥開就算.點知食食下勁唔對路,唔知關唔關我打死左佢一隻同伴,成6-7隻係側邊勁飛,好鬼煩,最衰唔知嬲住個人,仲嬲埋d野食, 見到佢地食牛肉食豆卜食到好好味呀..我就真係唔想食仲無哂胃口,仲不知幾驚食野果陣佢入我口~~!!於是找部長理論,佢話可能係冷氣唔夠大唔通風,幫我們開大冷氣後,依然係咁...即係唔關冷氣事啦.再叫部長, 點知求其應兩句就走鬼左去添...!!! 於是叫高級部長, 又係話冷氣甚麼甚麼...得啦唔洗講.搵經理..
諗住之前食過小菜都ok, 咁今次打邊爐...點知出事!!
先講野食:六日假己經唔係平架啦,十幾蚊廿幾蚊都有但計埋加10%其實成廿幾三十蚊碟,又唔係話大碟添喎!
1~d四寶丸望落去係似好味,但食無味既係就係彈牙
2~鱔片淋既又唔係無味
3~花枝片ok
4~手切牛預先切定成碟雪住,一路食一路溶雪出哂血水
5~羊肉片又係同手切牛一樣溶雪出血水~
6~魚肉豆卜,魚肉無味豆卜怪味
7~醉雞鍋底,聞落好香,都有d葯材,但雞又係無味
8~菜..正常
9~雞片又係無味
10~2枝啤酒幫襯啤酒妹妹的
環境:
唔知搞咩,一開始坐低己經有蚊之飛,諗住一隻兩隻無乜所謂,撥開就算.
點知食食下勁唔對路,唔知關唔關我打死左佢一隻同伴,
成6-7隻係側邊勁飛,好鬼煩,最衰唔知嬲住個人,
仲嬲埋d野食, 見到佢地食牛肉食豆卜食到好好味呀..
我就真係唔想食仲無哂胃口,仲不知幾驚食野果陣佢入我口~~!!
於是找部長理論,佢話可能係冷氣唔夠大唔通風,幫我們開大冷氣後,依然係咁...即係唔關冷氣事啦.
再叫部長, 點知求其應兩句就走鬼左去添...!!!
於是叫高級部長, 又係話冷氣甚麼甚麼...得啦唔洗講.
搵經理...經理又講冷氣...唔係呱.. 之後佢又話跟大坑柜,佢地開住大門做生意d蚊飛入黎, 如果佢咁講附近d食店都一樣係咁啦..個問題係你開門做生意呢d野係你地諗點樣解決唔係淨係同個客講話呢近坑柜就算...
之後經理又話幫我地換台,叫我地不如轉小菜..食乜鬼丫..果時火滾淨係話唔食,叫佢埋單,點知佢都唔醒目淨係話幫我地計數,我於是鬧佢話你無理由要我地比全數..d野食完部食唔到一半,唔係我地唔想食,係佢地個環境搞到我地唔想食..
佢先話幫我地減減條數,點知黎到要3xx,痴線..
佢話減左最貴果d,百零蚊,我問佢即係幾多佢淨係話百零..
再拎黎要2xx,我鬧佢有無搞錯又話百零蚊點解仲要2xx (佢百零蚊+10%=2xx)有無可能仲收我+10%?
咁佢話唔岩唔緊要再幫我地減...減完仲要成170,我話佢我一路諗住你百零係百二百三左右,再次強調係佢地個環境搞到我地唔想食,我話佢比你係客人遇到咁既情況你比唔比錢,佢自己都唔敢出聲....(因為出聲又死唔出聲又死)..我鬧佢話根本100我都唔想比..
佢話小姐,我地傾好話百零蚊..係丫..但有乜理由仲要成百七咁貴....果+10%都唔應該收啦!!
之後佢死死氣話..小姐咁你覺得應該比幾多你就比啦,你覺得百三就百三, 一百就一百啦...
果下好想求其拎張20蚊出黎!但不過之前講左百零,求其比一百算數.跟住佢話多謝小姐,我己經唔理佢我走走去!!!!
初期d部長黎果時都無客理我地,後期狂嘈個經理果時有客走埋黎望添..個經理可能都知衰呱.佢企係度同我講果時d蚊都狂飛埋黎,佢自己有眼見..
今次之後一定唔會去呢間野...!!!
其實開頭我父母都話要影低個情況,但我地又做唔出咁,但發覺今次事件之後真係應該影低,比人睇下都好,濟出字真係唔多夠!!
(不過奇怪事件係其他客好似唔覺有蚊?我果台特別多蚊,煩到嘔,望到6-7隻嬲住自己真係好恐怖,我仲沖左涼先出街食架!!!!點會咁!!)
個經理其實好人既,我知唔關佢事,我直頭叫佢搵高級d黎,佢話佢最高級..........!!!我覺得佢有唔想搵出黎姐
我地走左之後再搵第二度地方食野填番飽個肚呀!!!!
環境同乾淨真係想比負分!!!!!!!!!!!!!!!!!
以後都唔會再黎,唔洗錢都唔去!!!!!!!!!!!!!!!!!!!!!!!!!!!!!!!!!!!!!!!!
張貼