影片
更多
2017-12-13
692 瀏覽
未到lunch time去食，因為第一次去，見有廚師推介碗仔翅餐，但係喺茶餐一欄，當然問清楚呢個時段有冇呢個餐，點解會專登問，係因為見佢早/茶餐係去到11:30，我地入去啱啱過咗十分鐘，朋友話開聲問下啦，茶餐廳都係做街坊生意，有時有走盞會俾你叫。咁問過個姐姐話有先叫，叫咗兩個餐等食，點知返單收$30一碗碗仔翅，另收$15一杯奶茶。本來一個碗仔翅連奶茶餐成$30，相對茶廳餐黎講，都唔太合理，只係諗住一試，而家仲分開收，見到張單咁當然即刻取消啦，阿姐竟然話整咗，同時送埋杯奶茶岀黎，屈你要！呢個時候已經覺得有啲被屈feel，都算，咁碗仔翅未黎，就取消咗佢啦，佢竟然話唔得！明明杯奶茶分開收錢，碗仔翅又未未岀，我叫嗰時你又唔聽清楚我問你先落單，你又唔覆單，有乜理由仲唔俾我取消？！同佢理論，個廚房阿姐走岀黎，指住我地個鼻話『食唔起就唔好食』！呢間係咩茶餐廳？咁招呼客？！我地坐喺度食，佢就企喺度鬧，同佢理論，話我地係＿指＿住＿個＿餐＿牌＿問＿清＿楚＿有＿冇＿呢＿個＿餐先叫！個奶茶仲講明係跟＿餐＿叫＿嘅！如果唔係正常邊有人會呢個時間專登入去間茶餐廳，分別叫一碗$30嘅碗仔翅同一杯$15嘅奶茶？！個客唔
咁問過個姐姐話有先叫，叫咗兩個餐等食，點知返單收$30一碗碗仔翅，另收$15一杯奶茶。
本來一個碗仔翅連奶茶餐成$30，相對茶廳餐黎講，都唔太合理，只係諗住一試，而家仲分開收，見到張單咁當然即刻取消啦，阿姐竟然話整咗，同時送埋杯奶茶岀黎，屈你要！
呢個時候已經覺得有啲被屈feel，都算，咁碗仔翅未黎，就取消咗佢啦，佢竟然話唔得！
明明杯奶茶分開收錢，碗仔翅又未未岀，我叫嗰時你又唔聽清楚我問你先落單，你又唔覆單，有乜理由仲唔俾我取消？！
同佢理論，個廚房阿姐走岀黎，指住我地個鼻話『食唔起就唔好食』！呢間係咩茶餐廳？咁招呼客？！
我地坐喺度食，佢就企喺度鬧，同佢理論，話我地係＿指＿住＿個＿餐＿牌＿問＿清＿楚＿有＿冇＿呢＿個＿餐先叫！個奶茶仲講明係跟＿餐＿叫＿嘅！如果唔係正常邊有人會呢個時間專登入去間茶餐廳，分別叫一碗$30嘅碗仔翅同一杯$15嘅奶茶？！個客唔開口問，你落單前都會提下佢啦！何況我指住問？！
道理唔夠人講，佢竟然話『食唔起呢餐我唔收你錢請你食啦』，跟住繼續鬧，繼續重覆呢句，俾人鬧住仲點食，你咁講我地梗係走啦！轉過頭佢又話未俾錢，好！你講晒！我地飲咗碗冇味嘅湯，你要咁樣打開門做生意屈錢，我咪俾你囉，掉低咗一百蚊俾佢睇醫生！講黎講去都係話人食唔起，如果佢覺得呢句係侮辱緊人，我聽落只係覺得佢侮辱緊自己，原來由頭到尾，你都係為錢啫！
我俾錢去食嘢，去得茶餐廳都唔要求有咩服務，係想食餐心安理得嘅安樂茶飯，冇諗過應該做街坊生意嘅茶餐廳，人情味欠奉之餘，仲咁樣屈錢！
講真，邊個會諗住食個地踎茶餐要走去寫OpenRice，至少我自己冇諗過，第一次寫食評，竟然係因為嬲到一定要將佢嘅惡劣手法公諸於世！
我俾一百蚊俾得心安理得，唔知佢咁屈返黎啲錢，收得係咪心安理得呢！
張貼