Mamaday (已搬遷) 新店位置

雖然呢間鋪頭叫Mamaday，但裡面嘅食物唔會麻麻地，而且裝修好特別，好舒適。可以話係五彩斑斕，好得意！今日我叫左美利堅合眾國草飼牛扒扒扒，有好大塊蝦片擺牛肉上面，墊底配料有大量芝麻醬沙律同紅藍莓水果，覺得蝦片油膩，就可以食點沙律水果解膩，搭配得好好。草飼牛扒啲特色係肉質結實富有嚼勁，牛肉味濃郁。需要慢煮烹調，使牛肉平均受熱，保持原汁原味。師傅手藝不錯，整份牛扒軟軟QQ，口感很好。而且廚師好有心，牛扒也幫手切好一塊塊，好方便食用。總配有一小份芝麻醬冷烏冬，烏冬彈牙爽口。