拉麵小町

營業中

休息中

上星期難得有簽證入元朗國，當然要四圍支持一下小店，呢間 @ramen_komachi 位置比較偏僻，喺一條小村入面，小店附近全部係小村屋圍住幾有日本feel，絕對值得遠道而來一試。小店湯頭主打豚骨魚介，我揀左醬油拉麵，小町湯頭屬濃湯底，豚骨魚介兩個味好出好厚，入口好有質感，醬油味濃郁，喜歡濃湯應該會啱口味，麵條係我喜歡嘅曲身麵，爽口彈牙帶小麥香味，掛湯力高，叉燒用左豬腩位置，油脂甘香唔會有肥膩感，不過玉子比較失色熟左少少，味道就ok嘅，小店除左拉麵仲有其他小食可選擇，下次大家到元朗國不妨嚟支持一下小店。