影片
更多
2023-04-21
2927 瀏覽
自從老公幾年前帶我幫襯第一次英記之後，時不時都會掛住佢個超彈牙炸醬麵。今晚忍唔住揸車過去宵夜，突然返風有啲凍，於是叫咗湯麵。牛腩麵腩汁香，牛腩又多，阿姐問我跟唔跟餐，加碟菜心同飲品都係加$11，抵食。雖然個菜心碟係碟仔，但都砌得好滿。老公叫咗牛腩炸醬麵跟大地魚湯，真材實料又香。再叫咗淨水餃，阿姐又問要唔要餐，於是又加咗碟生菜。生菜都係一碟滿。兩個人食呢一餐，$150 有找，真係心滿意足。環境方面，雖然係舊式麵檔，但一啲都唔污糟，坐得又算寬敞，筷子都有套住，衛生算唔錯。係我又無打卡🤣
今晚忍唔住揸車過去宵夜，突然返風有啲凍，於是叫咗湯麵。
牛腩麵腩汁香，牛腩又多，阿姐問我跟唔跟餐，加碟菜心同飲品都係加$11，抵食。
雖然個菜心碟係碟仔，但都砌得好滿。
老公叫咗牛腩炸醬麵跟大地魚湯，真材實料又香。
再叫咗淨水餃，阿姐又問要唔要餐，於是又加咗碟生菜。
生菜都係一碟滿。
兩個人食呢一餐，$150 有找，真係心滿意足。
環境方面，雖然係舊式麵檔，但一啲都唔污糟，坐得又算寬敞，筷子都有套住，衛生算唔錯。
係我又無打卡🤣
張貼