B.Duck Cafe (已結業)

今日去yoho mall 1 同阿女試b duck cafe, 本身都好歡喜，因為阿女好鍾意沖涼玩鴨鴨。我12點45分買焗飯同磨菇意粉，可是等到1310先有得攞，個時間等好耐令小孩有點不耐煩。等到有都仲可以，順便問店員攞隻碟啦，點知頭幾隻都污糟，佢背住我搵塊布抹抹就俾我，真係嚇死人。其實間餐廳好多影相位，每款菜都有鴨仔，顯出心思，但餐具好唔環保，全部都用完即棄餐具，將個原先幾好印象破壞晒，概念好似一般商人要賺就唔理咁多社會責任。食了174蚊，焗豬68蚊+意粉68蚊，橙汁38蚊，抵唔抵就見但見智。