Y Show Tasty (已結業)

💡三五知己聚會好地方假日去尖沙咀食野，朋友介紹左間環境乾淨企理，有情調，而且都幾寬敞的地方，岩曬同朋友吹吓水。🅐🅟🅟🅣🅘🅢🅔🅡🥗田園沙律新鮮蔬菜🥬配油醋汁，岩曬黎做前菜，好開胃！🐔雞翼炸得好香脆可口。🍟海鹽薯條薯條份量都幾多，屬於幼身款薯條，新鮮即炸，條條都卜卜脆，味道岩岩好，就咁食都可以。🅼🅰🅸🅽🍽慢煮日本活性水飼豬肉眼配薯菜平時都食豬鞍，今次竟然係豬肉眼，要試一試。黎都見到都幾大份，好足料。肉眼厚得黎煎得好香，完全唔乾身，豬肉眼味較濃郁，帶有少少脂肪，但食落好嫩滑，配上餐廳特製嘅芥末醬一齊食，酸酸地好惹味🤤另外配埋薯菜夠曬protein 😍🍽黑松露野菌忌廉意大利飯黑松露味好香濃，配合埋雜菇同忌廉，creamy得黎又唔會覺得好膩，而Risotto 飯軟硬度岩岩好😋🍽義式肉醬意粉味道好香濃，意粉索曬肉醬，食落夠juicy，唔會乾身。