留家廚房 (已結業)

琴晚同左兩個朋友出去食飯, 本來係想去黃色門食, 但係已經無晒位, 咁咪試下佢地依間囉! 一入到去, 個格局比較似高級餐廳, 但都幾舒服, 我地叫左半隻京酥鴨, 鵝肝炒菜, 五味骨, 留家炒飯。Ｄ送黎O既時間唔會太急, 亦唔會太慢, 首先黎左五味骨, 有D似咕嚕肉同金沙骨結合, 但就無骨, 酸酸地辣辣地, D肉都炆得好林, 幾好味, 跟住黎左京酥鴨, 隻鴨可以話係幾首菜之中最好, 隻鴨D皮仲脆脆地, 有D汁, D肉亦都煮得好林, 骨都起埋, 底下有D栗子同蓮子, 白菜仔伴碟, 依隻鴨可以俾九十分, 鵝肝炒菜反而無普通果D炒菜咁好味, 花考左D, 個炒飯o既炒功幾好, 但D料同出面酒樓炒飯差唔多。睇過之前食評D人都知佢得兩種甜品, 個糖水幾清甜, 食完飯飯都唔會覺得太飽, 但個糕就唔係太好味, 唔食無損失。要讚o既係佢地服務幾好, 而家都無遇到之前果位網友被安排坐街邊o既情況, 自動自覺"針"茶, 落單一叫即到, 唔錯。三個人最後埋單六百幾, 價錢合理, 不過最好八點半先去, 可以坐耐D慢慢傾下計, 唔洗趕頭趕命。總括黎講，我俾佢地八十五分，可以一試！