Café East

營業中

休息中

太耐無一齊食過飯，放寬限聚令後即夾時間食餐好嘅。見有人介紹依間自助餐唔錯，即場入會做會員仲可享二送一優惠。估唔到平日都唔少人嚟食，入座無耐就有幾位侍應分別問我哋飲啲咩，果汁，汽水同啤酒，我哋仲以為要另外加錢嘅添，原來係包埋。凍海鮮無生蠔，朋友有少少失望，蟹腳較瘦，但肉質同味道可以，凍蝦同凍龍蝦味道一般。魚生無試到，款式唔太吸引。熱葷同甜品雖款式不算多，但每款味道都不錯。性價比幾高，環境同服務都幾好，埋單大概$438一位。