丼丼屋 (已結業)

幾鍾意樂富間丼丼屋既環境，落地玻璃，陽光透入黎，好開揚，感覺好舒服。每次黎一定要食既親子丼。一打開蓋，見到令人垂涎三尺既滑蛋。質素一直都保持到，每次都咁好食，蛋又香又滑。咖喱吉列豚肉芝士卷，咖喱同吉列都唔錯，但Izumi curry既咖喱同銀座梅林既吉列豬扒好食D。中間幾多芝士，不過味道唔濃。但overall都唔錯。試下新出既油甘魚三文魚子飯。有時遇到肥美油甘魚真係好好食，可惜唔係今日。油甘魚完全稱唔上肥，又瘦又薄，味道怪怪的。