影片
更多
2021-02-12
1444 瀏覽
去過呢間cafe嘅可能都會覺得好特別，因為佢係位於一間飛髮鋪💈入面，要上一層樓穿過剪頭髮💇🏻嘅地方，先會入到間cafe。當日同朋友傾計食嘢嘅時候，都會見到啲姨姨👳🏻♀️包住個頭染緊髮嘅時候走過嚟買咖啡☕️飲，好有趣好特別嘅情景🤣。🍲蘑菇汁海鮮長通粉 $76海鮮配料有大蝦同青口，唔算特別多海鮮料，青口飽滿多肉，個人比較鍾意。海鮮唔會有冰鮮味，味道同個醬汁好夾。的確個醬料做得比較出色，主要係因為個蘑菇汁超creamy，而且入面好多蘑菇，好似飲緊蘑菇忌廉湯咁。醬料都俾得夠多，令個長通粉唔會好乾身。雖然以性價比嚟講未算好抵，外賣其他海鮮飯都會比較平，但整體味道都係好食嘅。👅評分：7.5/10🧇香蕉窩夫配雪糕 (半份) $48半份窩夫有兩大格，配咗一條香蕉🍌同一球雲呢拿雪糕🍨，蜜糖🍯就比較特別，係桂花蜜糖。窩夫做到外脆內嫩，一啖配上雲呢拿雪糕，送入口就食到又熱又凍嘅口感，味道真係一流🤤。個桂花蜜糖有特別嘅香味，不過略嫌有啲太甜。本來個甜品已經有雪糕、香蕉同朱古力醬，個桂花蜜糖反而會令佢變得有啲滯，所以我哋都冇咩再點個蜜糖。甜品set叫咗杯熱奶茶☕️，個茶底係英式茶，有少少伯爵茶嘅香味。不得不提個茶杯
🍲蘑菇汁海鮮長通粉 $76
海鮮配料有大蝦同青口，唔算特別多海鮮料，青口飽滿多肉，個人比較鍾意。海鮮唔會有冰鮮味，味道同個醬汁好夾。的確個醬料做得比較出色，主要係因為個蘑菇汁超creamy，而且入面好多蘑菇，好似飲緊蘑菇忌廉湯咁。醬料都俾得夠多，令個長通粉唔會好乾身。雖然以性價比嚟講未算好抵，外賣其他海鮮飯都會比較平，但整體味道都係好食嘅。
👅評分：7.5/10
蘑菇汁海鮮長通粉
$76
52 瀏覽
0 讚好
0 留言
🧇香蕉窩夫配雪糕 (半份) $48
半份窩夫有兩大格，配咗一條香蕉🍌同一球雲呢拿雪糕🍨，蜜糖🍯就比較特別，係桂花蜜糖。窩夫做到外脆內嫩，一啖配上雲呢拿雪糕，送入口就食到又熱又凍嘅口感，味道真係一流🤤。個桂花蜜糖有特別嘅香味，不過略嫌有啲太甜。本來個甜品已經有雪糕、香蕉同朱古力醬，個桂花蜜糖反而會令佢變得有啲滯，所以我哋都冇咩再點個蜜糖。甜品set叫咗杯熱奶茶☕️，個茶底係英式茶，有少少伯爵茶嘅香味。不得不提個茶杯真係超可愛，連個cafe姨姨都叫我哋影相打卡📸哈哈。
👅評分：8/10
張貼
