歐意餐廳 (已結業)

首先點了一份小食芝士白汁薯蓉焗帶子，佢嘅芝士白汁薯蓉系列算係新菜式，除左帶子，無記錯仲可以選菠菜、螺、西蘭花等等，味道不過不失，不過價錢便宜，值。主菜方面，點了一份牛扒伴忌廉煙肉意大利飯，晚餐黎講，份量充足，唯牛扒略嫌過熟，飯可以再多啲汁就好，不過價錢hkd58連飲品，算不錯。真正推價另一款主菜美式雜扒，有齊雞扒、豬扒、腸仔、煙肉、火腿、煎蛋、粟米、西蘭花等等，可選飯/意粉/薯菜，我選了薯菜。一個人食肯定夠飽得黎味道亦不差，連飲品、湯、蒜蓉包，蒜蓉包味道一般不夠熱，但淨係食主菜就夠。總結黎講，雖然唔係頂級西餐，係平民價錢有豐富既食物，性價比高，值得一去。