鳳鳴居

營業中

休息中

好耐都唔嚟上水一次，嚟到梗係要食上水名物-鳳鳴居😬😬嚟到以為好多人等緊，原來係等緊外賣。所以我地好好彩，好快就入得去坐。但人流都一樣好多，keep 住有人嚟堂食。Menu 有太多選擇，搞到有選擇困難症嘅我地都諗左一陣。📍醉香雞湯米線($50)我幾鍾意依個湯底，甜甜地但又幾滋補，有紅棗有雲耳。醉雞味十分濃郁，米線又唔會過淋或過硬，啱啱好呀👍👍雞件有好多，蘸埋辣椒豉油食好夾呀。📍喇沙雞湯米線($50)朋友鍾意食辣，所以叫左喇沙湯底。佢都大讚喇沙湯底好食，仲好食過出面專賣喇沙嘅舖頭。啲雞好滑，排得好整齊😂😂下次嚟上水都一定會再嚟食上水名物😛