王家沙 (已結業)

星期二去太古城，原本想食意粉，最後決定食湯麵，於是便走到王家沙。去到等咗一陣都冇人理我地，好似好忙咁。於是行入少少問有冇位，侍應畀咗大堂中間一張檯我地。其實個廳唔太多人。先上前菜酒糟豬手，碟豬手碎玻璃咁，多骨少肉，仲有毛未清晒。跟著上咗蘿蔔絲酥餅，食咗一啖，放棄了，一來唔熱又唔鬆，二來個味道真是唔得。然後來了酸辣湯麵，個樣算正常，料唔多，一般。嫩雞煨麵，D麵好亂，好淋，一般。之後來了東坡肉，見到已經唔想食，佢畀個匙我，我以為好軟稔，點知，唉，實到撕唔開，其實唔識煮真是好浪費食物。最最可怕係招牌蟹粉小籠包，一入口，腥到想嘔，唔知佢整咗幾耐。以前成日去王家沙都唔係咁嘅，真心說，若唔識煮不要煮，專注做好自己識嘅。