尚海人家 (TKO Gateway) (已結業)

皇牌生煎包---豬肉//韭菜生煎包好味，超級勁爆汁，屋企人食果陣噴到塊面都係，好搞笑，絕對無誇張成份。兩款生煎包都好味，個底仲要係煎脆底呀！個人更鍾意食韭菜～一定會再買黎食。上海排骨擔擔麵湯底香花生味，少少辣。排骨係炸豬扒，但個皮唔脆，而且有啲咸。蟹粉拌麵都幾多蟹粉，重蟹膏味，而麵條質感幾好，撈埋一齊食唔錯。蔥油雞扒菜飯雞扒切件，味道正常，配菜飯食幾好。上海紅燒肉菜飯味道普通。總結：食物味道有好有唔好，只有生煎包會想再買。