冒喜 (柏廷坊)

營業中

休息中

今日去到上環呢間冒喜，試下四川成都好出名嘅冒菜。😋🌶️ 呢到既冒菜可以自己揀鍾意嘅配料同湯底，呢度仲有好多款不同辣嘅揀，啱晒本身鍾意食辣嘅我😍同埋呢度環境都幾唔錯，坐得舒適！呢度仲有唔同嘅套餐選擇🥘，睇吓自己想要幾多個餸，特別推介呢度嘅手打牛肉丸同埋蒜香墨魚丸，感覺同出邊平時食到嘅丸係唔同啲！彈牙多汁，非常有口感。我哋分別叫咗重慶麻辣湯同一個秘製香辣湯。兩個湯都好惹味，佢哋店嘅秘製辣油好香濃😜個辣味有層次！不過個人更加推薦重慶麻辣湯，辣中帶點香麻嘅感覺。貴州丁家脆哨係豬油渣炸到金黃色，口感鬆脆香口又有濃郁豬油香。秘製藤椒魚皮魚皮以藤椒調味，口感彈牙爽身，好特別！酸梅青檸烏龍茶 /山楂蘋果洛神花兩個飲品都好開胃，酸酸甜甜感覺清爽，配襯麻辣菜式真係岩岩好。桂花蜜烏梅冰粉 最後食埋個冰粉真係個完美收尾，酸梅味同甜味平衡得好，酸甜適中，解膩又解辣。