Power Burger (鴨巴甸街) (已結業)

係上環舊街，一間漢堡店，用上舊色鐵閘，閘上印上POWER BURGER，店內掛上毛筆字擺設，好有味道嘅小店。升級焦脆漢堡 $108升級套餐+$78：洋蔥圈+朱古力奶昔🍔升級焦脆漢堡好大個，一啖咬唔晒🤣，用左CAB認證漢堡扒，呢個包有3塊2安士漢堡扒，仲有溶緊嘅芝士，好邪惡🤭。個焦脆原來係煙肉碎，超香脆。除左爽脆生菜，仲有羽衣甘藍。個汁唔濃，唔會搶左牛味，又令個包食落更juicy，好夾丫。🧅洋蔥圏好脆。🍹朱古力奶昔好好飲，杯邊仲有朱古力醬，面頭有朱古力碎，朱古力迷唔好錯過🤤。黃金鰈魚堡 $128升級套餐+$28：炸薯條+葡萄茉莉茶另+$12🍔鰈魚堡舊魚好實淨又大塊，好香魚味，炸粉剛好可以hold住舊魚又唔厚，外脆內軟，唔想食牛堡要試呢個👍🏻。🍟好大盤幼薯條，新鮮炸起，用枱上嘅蛋黃醬，茄汁，芥末混嚟食，正👍🏻。🫖葡萄茉莉茶一壺，可以慢慢嘆，可以清熱解油。📝櫃檯簡單英語點餐，員工熱情有禮，不收加一。🌟所有食物即叫即整，但好有效率，好快有得食。有香菇豆腐堡，素食者都有選擇。💁🏻題外話：當晚有位外國人食飽讚🍔好食，我都好同意😋。